कर्णाली प्रदेशका पाँच जिल्ला ३ दिनदेखि सञ्चारविहीन

समाचार

गृहपृष्ठ
समाचार
कर्णाली प्रदेशका पाँच जिल्ला ३ दिनदेखि सञ्चारविहीन

कर्णाली प्रदेशका पाँच जिल्ला ३ दिनदेखि सञ्चारविहीन

बुधबार, माघ ८, २०७६ बागेश्वरी पोस्ट

सुर्खेत । कर्णाली प्रदेशका पाँच वटा जिल्लाहरुमा सञ्चार सेवा अबरुद्ध भएको छ । कालीकोट, हुम्ला, डोल्पा, मुगु र जुम्लामा ३ दिन देखि सञ्चारविहीन भएको हो ।

कालीकोटको भर्तास्थित रहेको स्तम्भमा खराबी आएपछि साबिकको कर्णालीमा सञ्चार सेवा बन्द भएको नेपाल टेलिकम सुर्खेतका प्रमुख नवराज खतिवडाले जानकारी दिए ।

“मौसममा आएको खराबीका साथै हिमपातका कारण सोलारले काम नगर्दा सेवा अवरुद्ध भएको हो”, प्रमुख खतिवडाले भने, “त्यसको लागि मङ्गलबार नै प्राविधिक टोली कालीकोट पठाइसकेका छौँ ।”

सञ्चार सेवा बन्द भएका कारण त्यहाँका स्थानीय सरकार, प्रहरी प्रशासनलगायत स्थानीय नागरिकको दैनिक तथा नियमित काम प्रभावित भएको जनाइएको छ ।