जानकीमा ढाकाको झोला बनाउने एक महिने तालिम सम्पन्न

स्थानीय

गृहपृष्ठ
स्थानीय
जानकीमा ढाकाको झोला बनाउने एक महिने तालिम सम्पन्न

जानकीमा ढाकाको झोला बनाउने एक महिने तालिम सम्पन्न

मंगलबार, चैत २१, २०७९ बागेश्वरी पोस्ट

जानकी (बाँके) । जानकी गाउँपालिकामा सञ्चालित गरिवी निवारणका लागि लघु उद्यम विकास कार्यक्रम अन्तर्गत एक महिने सीप विकास ढाकाको झोला बनाउने तालिम आज समापन भएको छ ।

नेपाल सरकार उद्योग बाणिज्य तथा आपूर्ति मन्त्रालको आर्थिक सहयोग र जानकी गाउँपालिकाको लघु उद्यम शाखाको आयोजनामा उक्त तालिम सञ्चालन गरिएको थियो । जानकी गाउँपालिकाको वडा नम्वर ५ गुरुवागाउँमा सञ्चालित तालिम समापन गरिएको हो । महिलालाई सीपमार्फत आर्थिक स्वावलम्बी बनाउने उद्देश्यले सञ्चालित उक्त तालिममा १३ जना महिलाहरुको सहभागिता रहेको थियो । एक महिने सीप विकास ढाकाको झोला बनाउने तालिमको प्रशिक्षक शान्ति राना क्षेत्री थिइन् ।

समापन कार्यक्रममा बोल्दै गाउँपालिका अध्यक्ष छब्बन खाँले सिलाइकटाई तालिमले स्वरोजगार बनाउने बताए । एउटा मेशिनबाट आफ्नो घरको काम पनि गर्न सकिने र सिकेको सीपबाट झोला बनाई विक्री समेत गरी पैसा कमाउन पनि सकिने भएकाले सिकेको सीपलाई व्यवहारमा उतार्न उनले आग्रह गरे । वडा नम्बर ५ का वडा अध्यक्ष टिकानाथ यादवले एक महिनासम्म सिकेको तालिमबाट प्राप्त उपलब्धिलाई व्यवहारमा लागू गरेर उत्कृष्ट काम गर्नेलाई गाउँपालिकाबाट पुरस्कृत गरिने बताए ।

समापन कार्यक्रममा तालिममा सहभागी महिला उद्यमीहरुलाई सामूहिकरुपमा ६ वटा सिलाई अम्रेला मेशिन, ६ वटा स्टुल, १३ वटा कैंची, १३ वटा स्केल, १३ वटा फित्ता र प्रमाणपत्र समेत वितरण गरिएको लघु उद्यम शाखाकी प्रमुख सावित्री रेग्मीले बताइन् । समापन कार्यपालिका सदस्यहरु, वडा सदस्यहरु, वडा सचिव लगायतको उपस्थिति रहेको थियो ।

No description available.