छात्रालाई अश्लील सामाग्री देखाउने शिक्षकलाई जेल

सुरक्षा-अपराध

गृहपृष्ठ
सुरक्षा-अपराध
छात्रालाई अश्लील सामाग्री देखाउने शिक्षकलाई जेल

छात्रालाई अश्लील सामाग्री देखाउने शिक्षकलाई जेल

सोमबार, चैत २७, २०७९ बागेश्वरी पोस्ट

सांकेतिक तस्बिर

नेपालगन्ज । आफैंले पढाउने विद्यालयकै छात्रालाई अश्लील सामग्री देखाएको अभियोगमा एक जना शिक्षकलाई कैद फैसला सुनाइएको छ ।

जिल्ला अदालत काभ्रेपलाञ्चोकका प्रमुख जिल्ला न्यायाधीश मोहनराज भट्टराईको इजलासले महाभारत गाउँपालिका–३ स्थित सिद्देश्वर माध्यमिक विद्यालयमा कार्यरत शिक्षक देविन्द्रकुमार विष्टलाई एक वर्ष तीन महिना कैद, रु. १५ हजार जरिवाना गर्नुका साथै रु. चार सय पीडित राहत कोषमा जम्मा गर्न भनेको छ ।

त्यस्तै अदालतले पीडित २७ बालबालिकालाई जनही रु. १० हजारका दरले क्षतिपूर्ति भराउने फैसला गरेको हो ।

अनुसन्धानका क्रममा कक्षा ८ मा अध्ययनरत छात्रालाई विष्टले आफ्नो मोबाइलबाट कक्षाकोठामै यौनजन्य अश्लील भिडियो देखाएको अभियोग पुष्टि भएको थियो । यसअघि धरौटीमा रिहा गरिएका विष्ट हाल फरार छन् ।

बालयौन दुव्र्यवहार अभियोगमा विष्टलाई अदालतले कैद तथा जरिवानाको फैसला सुनाएको हो । २०७८ फागुन १२ गते भएको उक्त घटनामा संलग्न शिक्षकले पाठ्यक्रमसँग सम्बन्धित सामग्री विद्यार्थीलाई देखाएको बयान दिएका थिए ।

जिल्ला प्रहरी कार्यालय धुलिखेलले फरार शिक्षक विष्टको खोजी भइरहेको जनाएको छ ।

jail

प्रकाशित मिति: सोमबार, चैत २७, २०७९ १४:५८

प्रतिक्रिया दिनुहोस्