जानकीको बकसपुरमा आगलागी, चार घर पूर्णरुपमा जले

स्थानीय

गृहपृष्ठ
स्थानीय
जानकीको बकसपुरमा आगलागी, चार घर पूर्णरुपमा जले

जानकीको बकसपुरमा आगलागी, चार घर पूर्णरुपमा जले

गाउँपालिकाद्वारा १५ दिनलाई पुग्ने राहत प्रदान

सोमबार, चैत २७, २०७९ बागेश्वरी पोस्ट

जानकी (बाँके) । जानकी गाउँपालिका वडा नम्वर ५ बकसपुरमा आगलागी भएको छ । आगलागीबाट चमारन टोलका चार वटा घरमा पूर्णरुपमा क्षती पुगेको छ । अन्य दुई घरमा सामान्य क्षती भएको छ । साथै दुई वटा बाख्रा र केही कुखुरा समेत आगोले जलेर मरेका छन् । चार घरमा पूर्णरुपमा क्षती हुँदा ८ घरपरिवार विस्थापित भएका छन् ।

विहान ११ बजे सुरु भएको आगलागी ४ बजेतिर नियन्त्रणमा आएको थियो । आगलागी नियन्त्रणका लागि नेपालगञ्ज उपमहानगरपालिकाबाट २ र कोहलपुर नगरपालिकाबाट एउटा दमकल आएका थिए । आगोको खरानी बाहिर फाल्न जाँदा त्यसैबाट आगो लागेको वडा नम्वर ५ का वडा अध्यक्ष टिकानाथ यादवले बताए ।

No description available.

आगो नियन्त्रणमा आउनासाथ गाउँपालिकाले पीडितलाई राहत प्रदान गरेको छ । विस्थापित घरपरिवारलाई २५ केजी चामल, अरहरको दाल ५ केजी, २ प्याकेट नुन, तेल ५ लिटर, आलु १० केजी, बेसार, खुर्सानी एक-एक प्याकेट, त्रिपाल एकएक थान, भुजा १ प्याकेट र चिनी १ केजी १५ दिनलाई पुग्ने गरी राहत वितरण गरिएको यादवले बताए ।

राहत प्रदान गर्न पुगेको गाउँपालिका अध्यक्ष खाँले आगलागी घटनाबाट आफू निकै मर्माहत भएको बताउँदै पालिकाबाट हुन सक्ने सहयोग गर्ने बताए । घटनास्थलमा उपाध्यक्ष रामप्यारी यादव, प्रमुख प्रशासकीय अधिकृत सिंहराज डाँगी, विपद व्यवस्थापन समितिका संयोजक राजेन्द्र सिंह, पालिकाका परामर्शदाता शोहराव दर्जी लगायत कर्मचारीहरु समेत पुगेका थिए ।

No description available.