मिलापद्वारा आगलागीपीडित परिवारलाई विछ्याउना र कपडा वितरण

स्थानीय

गृहपृष्ठ
स्थानीय
मिलापद्वारा आगलागीपीडित परिवारलाई विछ्याउना र कपडा वितरण

मिलापद्वारा आगलागीपीडित परिवारलाई विछ्याउना र कपडा वितरण

मंगलबार, चैत २८, २०७९ बागेश्वरी पोस्ट

जानकी (बाँके) । बकसपुर गाउँका आगलागीपीडित परिवारलाई राहत वितरण गरिएको छ । मिलाप नेपालगञ्ज बाँकेले आज आगलागी पीडितलाई सुत्नका लागि विछ्याउना र लगाउनका लागि कपडा वितरण गरेको हो ।

जानकी गाउँपालिकाको समन्वयमा प्रत्येक पीडित घरपरिवारलाई विछ्याउना २ थान, खोल सहितको सिरानी २ थान, तन्ना २, साडी २, टिसर्ट २, जिन्स पाइन्ट १ थान वितरण गरिएको हो । सोमवार वडा नम्वर ५ बकसपुरस्थित चमारन टोलमा आगलागी हुँदा चार वटा घरमा पूर्णरुपमा क्षती पुगेको थियो ।

No description available.

पीडित घरपरिवारलाई केही भएपनि सहयोग होस् भन्ने उद्देश्यले सुत्नका लागि विछ्याउना र लगाउनका लागि कपडा राहत स्वरुप वितरण गरिएको मिलापका अध्यक्ष रमेशराज रेग्मीले बताए । विपतको समयमा सबै संघसंस्थाहरु मिलेर काम गरेमा नागरिकहरुले राहत पाउने गाउँपालिकका अध्यक्ष छब्बन खाँले बताए ।

राहत वितरण कार्यक्रममा गाउँपालिकाकी उपाध्यक्ष रामप्यारी यादव, वडा नम्बर ५ का वडा अध्यक्ष टिकानाथ यादव, वडा नम्बर ६ का वडा अध्यक्ष जगदिशप्रसाद हरिजन, विपद व्यवस्थापन समितिका संयोजक राजेन्द्र सिंह, पालिकका परामर्शदाता शोहराव दर्जी, मिलापका कार्यकारी निर्देशक राजेन्द्रवहादुर सुनार, कार्यक्रम अधिकृत प्रेमा रोका लगायतको उपस्थिति रहेको थियो ।

प्रकाशित मिति: मंगलबार, चैत २८, २०७९ २०:२६

प्रतिक्रिया दिनुहोस्