सिन्धुलीमा कार दुर्घटना हुँदा ४ जना भारतीय नागरिकको मृत्यु

समाचार

गृहपृष्ठ
समाचार
सिन्धुलीमा कार दुर्घटना हुँदा ४ जना भारतीय नागरिकको मृत्यु

सिन्धुलीमा कार दुर्घटना हुँदा ४ जना भारतीय नागरिकको मृत्यु

बुधबार, चैत २९, २०७९ बागेश्वरी पोस्ट

नेपालगन्ज । सिन्धुलीको कमलामाई नगरपालिका–३ गढीगेट नजिक कार दुर्घटना हुँदा ४ जना भारतीय नागरिकको मृत्यु भएको छ। दुर्घटनामा एक जना गम्भीर घाइते भएका छन् ।

जिल्ला प्रहरी कार्यालयका प्रहरी उपरीक्षक राजकुमार सिलवालका अनुसार दुर्घटना गएराति १२:३० बजे भारतीय नम्बर प्लेटको बीआर०६ डिडी ०६८७ कार अनियन्त्रित भएर दुर्घटना भएको हो ।

दुर्घटनाग्रस्त कारमा ५ जना सवार थिए । मृतक ४ जना पुरुष रहेका छन्। राजमार्गको भिर भएको स्थानमा कार सडकबाट ५ सय मिटर तल खसेको थियो । गम्भीर घाइते १ जनालाई उपचारका लागि काठमाडौं लगिएको छ ।

दुर्घटनामा ३ जनाको घटनास्थलमै र १ जनाको सिन्धुली अस्पतालमा उपचारका क्रममा मृत्यु भएको प्रहरीले जानकारी दिएको छ ।

प्रकाशित मिति: बुधबार, चैत २९, २०७९ ०८:१९

प्रतिक्रिया दिनुहोस्