भीआईपी सुरक्षामा खटिएका प्रहरीले बालुवाटारमा वर्षमान पुनकी आमामाथि चलाए गोली

सुरक्षा-अपराध

गृहपृष्ठ
सुरक्षा-अपराध
भीआईपी सुरक्षामा खटिएका प्रहरीले बालुवाटारमा वर्षमान पुनकी आमामाथि चलाए गोली

भीआईपी सुरक्षामा खटिएका प्रहरीले बालुवाटारमा वर्षमान पुनकी आमामाथि चलाए गोली

शनिबार, वैशाख २, २०८० बागेश्वरी पोस्ट

नेपालगन्ज । भीआईपी सुरक्षामा तैनाथ एक प्रहरीले बालुवाटारमा माओवादी केन्द्रका वरिष्ठ नेता वर्षमान पुनकी आमा तीर्थमाली पुनमाथि गोली प्रहार गरेका छन् ।

गएराती १० बजे प्रहरी सहायक हवल्दार प्रकाश पुन मगरले गरेको गोली प्रहारबाट घाइते भएकी पुनकी आमाको ट्रमा सेन्टरमा उपचार भइरहेको प्रहरीले जनाएको छ ।

नेता पुनका दाइको घरमा बसेकी आमालाई नाता पर्ने प्रहरी सहायक हवल्दार प्रकाशले गोली चलाएका हुन् । गोली लागेर नेता पुनकी आमा ७० वर्षीय पुन घाइते भएकी हुन् । उनको खुट्टामा गोली लागेको छ ।

गोली चलाउने प्रकाश भीआईपी सुरक्षामा खटिएका थिए । उनलाई गएराती १ बजे प्रहरीले नियन्त्रणमा लिइसकेको छ । प्रहरीका अनुसार हवल्दार प्रकाश कामु प्रधानन्यायाधीशको सुरक्षामा खटिएका प्रहरी हुन् ।

गोली चलाउने सहायक हवल्दार प्रकाशलाई प्रहरी प्रधान कार्यालय नक्सालमा लगेर अनुसन्धान गरिरहेको प्रहरीले जानकारी दिएको छ ।

प्रकाशित मिति: शनिबार, वैशाख २, २०८० ०९:५८

प्रतिक्रिया दिनुहोस्