इमाडोलबाट पाँच वर्षीय छोरासहित आमा बेपत्ता

समाचार

गृहपृष्ठ
समाचार
इमाडोलबाट पाँच वर्षीय छोरासहित आमा बेपत्ता

इमाडोलबाट पाँच वर्षीय छोरासहित आमा बेपत्ता

शनिबार, वैशाख २, २०८० बागेश्वरी पोस्ट

नेपालगन्ज । एक महिला पाँच वर्षीय छोरासहित वेपत्ता भएकी छिन् ।

ललितपुरको महालक्ष्मी नगरपालिका–३ इमाडोलमा बस्दै आएकी इलाम देउमाइ नगरपालिका–६ स्थायी घर र इलामकै माइजोगमाइ–६ माइत भएकी ४० वर्षीया निर्मला (निरु) ढकाल सुवेदी चैत्र २३ गतेदेखि वेपत्ता भएको भाइ संजिव ढकालले जानकारी दिए ।

निर्मलासँगै पाँच वर्षीय छोरा चेन्ज सुवेदी पनि सँगै वेपत्ता छन् । उनीहरु श्रीमान् चेतमणि सुवेदीसहित इमाडोलको कृष्ण मन्दिर पछाडिको टोलमा बस्दै आएका थिए ।

‘दिदी चैत्र २३ गते साथीकोमा जान्छु भनी निस्कनु भएछ । अहिले सम्पर्कविहीन हुनुहुन्छ । मोबाइल पनि बोक्नुभएको छैन । कपडा पनि एकसरो मात्र लगाएर हिड्नुभएको रहेछ । हामी खोजतलासमा छौं । कसैले देख्नुभए खबर गरिदिनुहुन अनुरोध गर्दछौं,’ भाई संजिवले भने ।

परिवारका सदस्यहरुले निज महिलालाई खोजी गरिदिन अनुरोध गर्दै फोन नम्बर पनि उपलब्ध गराएका छन् ।

आफन्त तथा परिवारले मोबाइल नम्बर ९८४९४८५२९०, ९८२४००३७७५, ९८४२७०१८६२, ९८२३७८९६६७ मा सम्पर्क गरिदिन अनुरोध गरेका छन् ।

प्रकाशित मिति: शनिबार, वैशाख २, २०८० १४:२०

प्रतिक्रिया दिनुहोस्