रौतहटमा जग्गा विवादमा गोली चल्दा एक जनाको मृत्यु, तीन जना घाइते

सुरक्षा-अपराध

गृहपृष्ठ
सुरक्षा-अपराध
रौतहटमा जग्गा विवादमा गोली चल्दा एक जनाको मृत्यु, तीन जना घाइते

रौतहटमा जग्गा विवादमा गोली चल्दा एक जनाको मृत्यु, तीन जना घाइते

घटनास्थलबाट पाँच जना पक्राउ

शनिबार, वैशाख २, २०८० बागेश्वरी पोस्ट

नेपालगन्ज । जग्गा विवादमा रौतहटमा गोली चल्दा एक जनाको मृत्यु भएको छ । गढीमाई नगरपालिकामा गोली लागेर एक जनाको मृत्यु भएको छ ।

रौतहटको गढीमाई नगरपालिका वडा नं. ८ धोबिनियामा दुई समूहबीच नगरपालिकाले बनाइरहेको बाटोको जग्गा विवादका क्रममा आज साँझ झडप हुँदा गोली चल्दा ५० वर्षीय राजकुमार राय यादवको मृत्यु भएको जिल्ला प्रहरी कार्यालय रौतहटले जनाएको छ ।

जग्गा विवाद हुँदा एक समूहले चलाएको १२ बोर बन्दुकको गोली लागेका अर्को समूहका यादवलाई उपचारका लागि वीरगञ्ज लैजाँदै गर्दा बाटोमै मृत्यु भएको प्रहरीले जानकारी दिएको छ । विवादका क्रममा गोली कसले चलायो भन्ने अहिलेसम्म नखुलेको जिल्ला प्रहरी रौतहटले जनाएको छ ।

झडपमा बन्दुकको गोली लागेर स्थानीय कपिलदेव राय यादव, रामप्रताप यादव र निरञ्जन यादव घाइते भएका छन् । उनीहरुको वीरगन्ज अस्पतालमा उपचार भइरहेको र घटनामा संलग्न रहेको आशंकामा प्रहरीले ५ जनालाई पक्राउ गरेको जनाएको छ ।

प्रहरीले १२ बोर बन्दुक समेत बरामद गरी पक्राउ परेकाहरुसँग थप अनुसन्धान गरिरहेको जनाएको छ । घटनास्थलमा प्रहरी परिचालन गरिएको जिल्ला प्रहरी रौतहटले जानकारी दिएको छ ।

प्रकाशित मिति: शनिबार, वैशाख २, २०८० १९:०८

प्रतिक्रिया दिनुहोस्