सशस्त्र प्रहरी निरीक्षकले मोटरसाइकल चोरी गरेर सरकारी नम्बर प्लेट लगाएपछि....

सुरक्षा-अपराध

गृहपृष्ठ
सुरक्षा-अपराध
सशस्त्र प्रहरी निरीक्षकले मोटरसाइकल चोरी गरेर सरकारी नम्बर प्लेट लगाएपछि....

सशस्त्र प्रहरी निरीक्षकले मोटरसाइकल चोरी गरेर सरकारी नम्बर प्लेट लगाएपछि....

बुधबार, वैशाख ६, २०८० बागेश्वरी पोस्ट

नेपालगन्ज । एक जना सशस्त्र प्रहरी निरीक्षक (इन्स्पेक्टर) मोटरसाइकल चोरीको आरोपमा नेपाल प्रहरीको नियन्त्रणमा परेका छन् । सर्लाहीमा कार्यरत सशस्त्र प्रहरी निरीक्षक अंगद खड्कालाई प्रहरीले मोटरसाइकल चोरीको आरोपमा आइतबार नै पक्राउ गरेको भए पनि त्यसलाई बाहिर सार्वजनिक गरिएको छैन ।

मलंगवा वडा नम्बर ६ स्थित खुटौना बेसमा कार्यरत सशस्त्र प्रहरी निरीक्षक खड्कालाई चोरीको मोटरसाइकलसहित नियन्त्रणमा लिएर स्थानीयले सर्लाही प्रहरीको जिम्मा लगाएको भए पनि सर्लाही प्रहरीले त्यसलाई ढाकछोप गरिरहेको छ ।

गत फागुन १२ गते सर्लाही सदरमुकाम मलंगवा नगरपालिका ४ शिवसागर चौकमा रहेको नुतन आयल स्टोरबाट प्रदेश–२–०२–००३ प ७७२९ नम्बरको अपाचे मोटरसाइकल चोरी भएको थियो ।

रोबिन नामको एक जना सशस्त्र प्रहरी जवानसहित सशस्त्र प्रनि खड्का नुतन आयल स्टोरमा नै पेट्रोल राख्न पुगेपछि सवारी धनीले आफ्नो मोटरसाइकल चिनेर सशस्त्र प्रहरी निरीक्षक खड्कालाई मोटरसाइकलको विषयमा सोधखोज गरेर प्रहरीलाई जिम्मा लगाएका थिए । सवारी धनी मलंगवा नगरपालिका ९ का राकेश राउत पटेल हुन् । पटेल नुतन आयल स्टोरमा कार्यरत कर्मचारी हुन् । मोटरसाइकल चोरी भएको भोलिपल्ट नै खोजी कार्यको लागि जिल्ला प्रहरी सर्लाहीमा निवेदनसमेत दर्ता गराइएको थियो ।

सशस्त्र प्रहरीले सर्लाहीको व्यस्त बजारबाट चोरी भएको मोटरसाइकल सवारी धनीलाई दिनु अथवा सोधीखोजीको सट्टा बा–२ ब ९७२६ सरकारी नम्बर प्लेट नै राखेर निर्वाध रुपमा चढ्दै आएका थिए ।

आफ्नो मोटरसाइकल देखेपछि पटेल सवारी साधनको कागजपत्रसित मिलाउँदा इन्जिन र चेचिस नम्बरसमेत मिलेपछि आफ्नो चोरी भएको गाडीमा सरकारी नम्बर प्लेट किन लगाएको भनी सशस्त्र प्रहरी निरीक्षकसँग प्रश्न सोधेको स्रोतको दाबी छ ।

पटेलले आफ्नो गाडी भएको र त्यसमा सरकारी नम्बर प्लेट चढाएकोमा प्रश्न गरेपछि सप्रनी खड्का गाडी छाडेर भाग्ने प्रयास गरेपछि स्थानीयले खड्कालाई नुतन आयल स्टोरबाटै नियन्त्रणमा लिएर प्रहरीलाई खबर गरी जिम्मा लगाएको स्रोतको दाबी छ ।गत आइतबार नै पक्राउ परेका खड्कालाई चोख्याउने खेल भित्रभित्रै भइरहेको र घटनालाई गुपचुपमै मिलाउने प्रयास भइरहेको स्रोतको दाबी छ ।

मोटरसाइकल चोरीको आरोपमा पक्राउ परेका सप्रनी खड्कालाई जिल्ला प्रहरी कार्यालय सर्लाहीमा राखिएको र घटनाको अनुसन्धान भइरहेको प्रहरी स्रोतले जनाएको छ । हाम्राकुराडटकमबाट साभार

प्रकाशित मिति: बुधबार, वैशाख ६, २०८० १३:३९

प्रतिक्रिया दिनुहोस्