महोत्तरीमा बसको ठक्करबाट मोटरसाइकल सवार एकै परिवारका ३ जनाको मृत्यु

सुरक्षा-अपराध

गृहपृष्ठ
सुरक्षा-अपराध
महोत्तरीमा बसको ठक्करबाट मोटरसाइकल सवार एकै परिवारका ३ जनाको मृत्यु

महोत्तरीमा बसको ठक्करबाट मोटरसाइकल सवार एकै परिवारका ३ जनाको मृत्यु

बुधबार, वैशाख ६, २०८० बागेश्वरी पोस्ट

नेपालगन्ज । बसको ठक्करबाट मोटरसाइकल सवार एकै परिवारका ३ जनाको मृत्यु भएको छ ।

महोत्तरीमा आज दिउँसो बसले मोटरसाइकललाई ठक्कर दिँदा सिरहा कल्याणपुर नगरपालिका- १० का २६ वर्षीय मोटरसाइकल चालक अमृत मण्डल, उनकी २४ वर्षीया श्रीमती अञ्जु मण्डल र ६ वर्षीया भतिजी अंशु मण्डलको मृत्यु भएको प्रहरीले जनाएको छ ।

आज दिउँसो बा ३ ख २३९६ नम्बरको गौशाला सम्सी सडक खण्डको रेल्बेट्रयाक नजिक जङ्गलमा जनकपुरतर्फ आउँदै गरेको बसले गौशालातर्फ जाँदै गरेको मधेश प्रदेश ०१-००४ प ६८१९ नम्बरको मोटरसाइकललाई ठक्कर दिएको थियो ।

बसको ठक्करबाट गम्भीर घाइते भएका चालक अमृत र उनकी भतिजी अंशुको शुभ स्वस्तिक अस्पताल बर्दिबास र उनकी श्रीमतीको ट्रमा सेन्टर अस्पताल बर्दिबासमा उपचारको क्रममा मृत्यु भएको जिल्ला प्रहरी कार्यालय महोत्तरीले जानकारी दिएको छ ।

घटनापछि बसका चालक फरार भएका छन् भने ठक्कर दिने बसलाई प्रहरीले नियन्त्रणमा लिएको जनाएको छ ।

प्रकाशित मिति: बुधबार, वैशाख ६, २०८० १८:१२

प्रतिक्रिया दिनुहोस्