इन्जिनमा आगो लागेको फ्लाई दुबईका पाइलटले 'वी विल कन्टिन्यू' भन्दै जहाजलाई लगे दुबईतर्फ

समाचार

गृहपृष्ठ
समाचार
इन्जिनमा आगो लागेको फ्लाई दुबईका पाइलटले 'वी विल कन्टिन्यू' भन्दै जहाजलाई लगे दुबईतर्फ

इन्जिनमा आगो लागेको फ्लाई दुबईका पाइलटले 'वी विल कन्टिन्यू' भन्दै जहाजलाई लगे दुबईतर्फ

सोमबार, वैशाख ११, २०८० बागेश्वरी पोस्ट

नेपालगन्ज । आज बेलुका ९ बजेर २१ मिनेटमा त्रिभुवन अन्तर्राष्ट्रिय विमानस्थलबाट दुबईका लागि उडेको फ्लाइ दुबईको एफजेट ५७६ नम्बरको जहाज गन्तव्यतर्फ प्रस्थान गरेको छ।

एउटा इन्जिनमा आगो लागेको फ्लाई दुबईको जहाजलाई त्रिभुवन अन्तर्राष्ट्रिय विमानस्थलमा अवतरण गराउन सबै तयारी गरिएपनि उक्त जहाज त्यहाँ अवतरण गरेन।

त्रिभुवन अन्तर्राष्ट्रिय विमानस्थल स्रोतका अनुसार विमानका पाइलटले जहाजको दायाँ इन्जिनमा समस्या देखिएको एयर ट्राफिक कन्ट्रोलरलाई जानकारी गराएका छन् । अर्को इन्जिन ठिक रहेकोले गन्तव्यमा पुग्न सकिने भनेर एयर ट्राफिक कन्ट्रोलसँग ती पाइलटले "वी विल कन्टिन्यू" भन्दै अनुमति मागेपछी ट्राफिक कन्ट्रोलले अनुमति दिएको हो।

’ती अधिकारीका अनुसार पाइलटले जहाजलाई भारतमा पनि अवतरण गर्नसक्छन् । ‘दुबई उडान गर्ने जोखिम पाइलटले नलिनसक्छन्, भारतमा मर्मतका लागि सुविधासँगै सहजता हुने भएकाले त्यो निर्णय लिएको हुनसक्छ’, ती अधिकारीले भने।

फ्लाइट रडार २४ मा ९ः५८ बजे कपिलवस्तुको आकाशमा देखिएको उक्त जहाजमा १६९ यात्रु छन। जसमा १२० विदेशी र ४९ जना नेपाली रहेका छन् ।

प्रकाशित मिति: सोमबार, वैशाख ११, २०८० २२:३०

प्रतिक्रिया दिनुहोस्