नेपाल प्रहरीका १३ जना डीआईजीको पदस्थापन

सुरक्षा-अपराध

गृहपृष्ठ
सुरक्षा-अपराध
नेपाल प्रहरीका १३ जना डीआईजीको पदस्थापन

नेपाल प्रहरीका १३ जना डीआईजीको पदस्थापन

बुधबार, वैशाख १३, २०८० बागेश्वरी पोस्ट

नेपालगन्ज । नेपाल प्रहरीका हालै बढुवा भएका डीआईजीहरुको पदस्थापन भएको छ ।

डीआईजी विष्णुकुमार केसीलाई नेपाल प्रहरी प्रधान कार्यालय अस्वेषण योजना तथा विकास निर्देशनालय नक्साल, भरतबहादुर बोहरालाई सुदूरपश्चिम प्रदेश प्रहरी कार्यालय धनगढी, कैलाली र रविन्द्र केसीलाई राष्ट्रिय प्रहरी प्रशिक्षण प्रतिष्ठान महाराजगंजमा पदस्थापन गरिएको छ ।

त्यस्तै डीआईजी राजेशनाथ बास्तोलालाई, कोशी प्रदेश प्रहरी कार्यालय विराटनगर, चन्द्र कुबेर खापुङलाई अख्तियार दुरूपयोग अनुसन्धान आयोग, प्रहरी महाशाखा टंगाल, काठमाडौं र जनक भट्टराईलाई मधेस प्रदेश प्रहरी कार्यालय जनकपुर, धनुषामा पदस्थापन गरिएको छ ।

त्यस्तै डीआईजी लालमणि आचार्यलाई काठमाडौं उपत्यका प्रहरी कार्यालय, रानीपोखरी, सुरेन्द्रप्रसाद मैनालीलाई नेपाल प्रहरी प्रधान कार्यालय अपराध अनुसन्धान विभाग अपराध अनुसान्धान निर्देशनालयमा पदस्थापन भएको छ ।

यसैगरी डीआईजी अर्जुनचन्द ठकुरीलाई साइबर ब्यूरो भोटाहिटी काठमाडौ, यज्ञविनोद पोखरेललाई केन्द्रीय अनुसन्धान ब्यूरो महाराजगंज काठमाडौं र विकासराज खनाललाई नेपाल प्रहरी प्रधान कार्यालय कार्य विभागमा पदस्थापन गरिएको छ ।

प्रकाशित मिति: बुधबार, वैशाख १३, २०८० १३:३१

प्रतिक्रिया दिनुहोस्