नरैनापुरका आगलागी पीडितलाई राहत दिने सांसद नमुनाको प्रतिवद्धता

स्थानीय

गृहपृष्ठ
स्थानीय
नरैनापुरका आगलागी पीडितलाई राहत दिने सांसद नमुनाको प्रतिवद्धता

नरैनापुरका आगलागी पीडितलाई राहत दिने सांसद नमुनाको प्रतिवद्धता

बिहीबार, वैशाख १४, २०८० बागेश्वरी पोस्ट

नेपालगन्ज । लुम्बिनी प्रदेशकी सांसद एवम् पूर्व मन्त्री कृष्णा केसी ‘नमुना’ ले नरैनापुर गाउँपालिकाका आगलागी पीडितलाई राहत उपलब्ध गराउने प्रतिवद्धता जनाएकी छन् ।

सांसद केसीले नरैनापुरका वडा नं. ३, ४ र ६ का आगलागी पीडितलाई प्रत्यक्ष भेट गर्दै प्रदेश सरकारबाट राहत उपलब्ध गराउने बताएकी हुन् ।

‘नरैनापुरमा भएको आगलागीको घटनाले मलाई दुःखी बनाएको छ, तपाईंको यो पीडामा केही भएपनि मल्हम लगाउन म पहल गर्नेछु,’ उनले भनिन् ‘प्रदेश सरकारले नियम अनुसार दिने राहतका लागि पहल गर्छु, आवश्यक प्रक्रिया पुर्याएर जिल्ला प्रशासन कार्यालयमा निवेदन दिनुहोला ।’

लुम्बिनी प्रदेश सरकारबाट एक घर परिवार ४० हजार रुपैयाँका दरले राहत वापत रकम उपलब्ध गराइने पनि केसीले प्रतिवद्धता जनाइन् । उनी नरैनापुर गाउँपालिका पर्ने बाँकेको प्रदेश सभा १ "क" बाट लुम्बिनी प्रदेश सांसदमा निर्वाचित भएकी थिइन् ।

आगलागी पीडितले मुचुल्का, सिफारिस लगायत विषयमा समस्या भइरहेको गुनासो गरेका थिए । सोही कुरालाई मध्यनजर गर्दै उनले पीडितलाई पीडा होइन राहत दिनुपर्ने बताइन् । राहतको लागि गर्नुपर्ने प्रक्रियामा जहाँ समस्या आउँछ, त्यहाँ आफू रहेको भन्दै उनले समस्या समाधानका लागि आफू तत्पर रहेको प्रतिवद्धता ब्यक्त गरिन् ।

सांसद केसीले आगलागी पीडितको माग अनुसार स्थानीय प्रहरीलाई भएको क्षति अनुसार मुचुल्का बनाइदिन निर्देशन समेत दिइन् ।

‘आगलागीबाट घरमा भएको क्षतिको पूरै मुचुल्का बनाइदिनुहोला, पीडितले पीडा होइन, सहजरुपमा राहत पाउनुपर्छ, यसमा तपाईको सहयोग हुनुपर्छ,’ सांसद नमुनाले प्रहरीलाई निर्देशन दिदैं भनिन्, ‘यहाँबाट तपाईंहरुले भएको क्षतिको मुचुल्का बनाएर पठाउनुहोला ।’ नरैनापुरको विकासका लागि समेत सांसद केसीको महत्त्वपूर्ण भूमिका रहेको छ ।

प्रकाशित मिति: बिहीबार, वैशाख १४, २०८० १६:२८

प्रतिक्रिया दिनुहोस्