संघीय मन्त्रालयसंग योजना माग्दै सांसद ढकाल र अध्यक्ष पौडेल

स्थानीय

गृहपृष्ठ
स्थानीय
संघीय मन्त्रालयसंग योजना माग्दै सांसद ढकाल र अध्यक्ष पौडेल

संघीय मन्त्रालयसंग योजना माग्दै सांसद ढकाल र अध्यक्ष पौडेल

बिहीबार, वैशाख १४, २०८० बागेश्वरी पोस्ट

नेपालगञ्ज । बाँके क्षेत्र नम्बर १ का सांसद सूर्य ढकाल र राप्तीसोनारी गाउँपालिकाका अध्यक्ष तप्त पौडेल योजना माग्न काठमाण्डौ पुगेका छन् । राप्तीसोनारी गाउँपालिका पनि क्षेत्र नम्बर १ मै पर्ने भएकाले दुबै जना जनप्रतिनिधि योजना माग्न संगसंगै हिंडेका हुन् । हातमा फाइल बोकेर ढकाल र पौडेलले विभिन्न मन्त्रालयमा पुगेर योजना मागिरहेका छन् ।

ढकाल र पौडेल बढी भन्दा बढी संघीय बजेट आफ्नो क्षेत्रमा पार्ने उद्देश्यका साथ लागिपरेका हुन् । राप्ती नदीको बाढीबाट हुने क्षती न्यूनीकरण गर्न तटबन्ध निर्माणको योजनाका लागि उर्जा जलश्रोत तथा सिंचाई मन्त्रालयमा पुगेर आज मन्त्री शक्ति बस्नेतलाई भेटेका उनीहरुले जसरी पनि बजेट दिएर बर्षात अगावै तटबन्ध निर्माण गर्न आग्रह गरेका छन् । भेटघाटमा मन्त्री बस्नेतले राप्तीसोनारी, डुडुवा र कोहलपुर किटान गरेरै बजेट पठाउने प्रतिवद्धता जनाएको पौडेलले बताए ।

त्यस लगत्तै सांसद ढकाल र गाउँपालिका अध्यक्ष पौडेलले भौतिक पूर्वाधार तथा यातायात मन्त्री प्रकाश ज्वालालाई समेत भेटेर राप्तीसोनारी ७ को सिघैया नालामा पुल निर्माणको योजना पार्न आग्रह गरेका छन् । यस्तै स्वास्थ्य मन्त्रालयमा गएर उपसचिव रमेशकुमार केसीलाई राप्तीसोनारी अस्पतालको रोकिएको बजेट खुला गर्न र थप बजेट दिन माग गरिएको छ । दीर्घ रोगीहरुलाई दिइने जनही ५ हजार रुपैयाँ पालिका पठाउन पनि आग्रह गरिएको भेटघाटमा संगसंगै रहेका राप्तीसोनारी गाउँपालिका वडा नम्बर ४ का वडा अध्यक्ष तथा पालिका प्रवक्ता मिनराज खड्का (सन्तोष) ले बताए । यसैगरी होमिस्टेमा, पर्यटन प्रबद्र्धन, कृषि शीत भण्डार निर्माण लगायतका थुप्रै योजना माग गरेको खड्काले जानकारी दिए ।

प्रकाशित मिति: बिहीबार, वैशाख १४, २०८० २०:४९

प्रतिक्रिया दिनुहोस्