नेपालगञ्जमा लागूऔषध दुब्र्यसनको अवस्था भयावह !

स्थानीय

गृहपृष्ठ
स्थानीय
नेपालगञ्जमा लागूऔषध दुब्र्यसनको अवस्था भयावह !

नेपालगञ्जमा लागूऔषध दुब्र्यसनको अवस्था भयावह !

मंगलबार, वैशाख १९, २०८० बागेश्वरी पोस्ट

नेपालगञ्ज । नेपालगञ्जमा लागूऔषध दुब्र्यसनको अवस्था भयावह रहेको बताइएको छ । नेपालगञ्ज उपमहानगरपालिकामा सञ्चालित 'लागूऔषध विरुद्ध एकीकृत कार्यक्रम' का बारेमा जानकारी गराउन आयोजित परियोजना परिचयात्मक कार्यक्रममा सहभागीहरुले लागूऔषध दुब्र्यसनले समाजलाई नराम्ररी गाँजेको बताउँदै लागूऔषध नियन्त्रण र रोकथामका लागि सराकारवालाहरुबीचमा प्रभावकारी समन्वय र सहकार्य आवश्यक रहेको बताएका छन् । अभिभावकहरुले छोराछोरीको रेखदेखमा विशेष चासो दिन आवश्यक बताउँदै सहभागीहरुले लागूऔषध रोकथाममा सरोकारवालाको अर्थपूर्ण सहभागितामा जोड दिएका छन् । खुला सीमानाका कारण नेपालगञ्जमा लागूऔषध नियन्त्रण निकै चुनौतीपूर्ण बनेको छ ।

परियोजनाका बारेमा जानकारी दिँदै साहारा हाउस नेपालगञ्जका कार्यकारी निर्देशक अभिराज क्षेत्रीले लागूऔषध रोकथाम तथा न्यूनीकरणसम्बन्धि सही सूचना र सचेतना फैलाउँदै लागूऔषध प्रयोगकर्ताहरुप्रति हुने भेदभाव तथा लाञ्छना न्यूनीकरण गरी सामाजिक व्यवहार परिवर्तन गर्ने उद्देश्यले परियोजना सञ्चालन गरिएको बताए । कार्यपालिका सदस्य बसन्त कनौजियाले सबै पक्षको पहल र समन्वयबाट मात्रै लागूऔषध नियन्त्रण र रोकथाम सम्भव हुने बताए । उनले विद्यार्थीहरुमा सचेतना फैलाउँदै अभिभावकहरुले आफ्ना बालबच्चाका क्रियाकलापका बारेमा चारो राख्नुपर्नेमा जोड दिए ।

नेपालगञ्ज उपमहानगरपालिकाको सहयोगमा सहारा हाउसले सञ्चालन गरेको परियोजना असार मसान्तसम्म चल्नेछ । कार्यक्रममा विभिन्न वडाका वडा अध्यक्षहरु, कार्यपालिका सदस्यहरु, नेपालगञ्ज उपमहानगरपालिकाका विभिन्न शाखाका प्रमुख, प्रहरी लगायत अन्य सरोकारवाला व्यक्तिहरुको सहभागिता थियो ।

प्रकाशित मिति: मंगलबार, वैशाख १९, २०८० १९:०४

प्रतिक्रिया दिनुहोस्