उपराष्ट्रपति कार्यालयका सचिव टेकनारायण पाण्डे नक्कली भुटानी शरणार्थी काण्डमा पक्राउ

सुरक्षा-अपराध

गृहपृष्ठ
सुरक्षा-अपराध
उपराष्ट्रपति कार्यालयका सचिव टेकनारायण पाण्डे नक्कली भुटानी शरणार्थी काण्डमा पक्राउ

उपराष्ट्रपति कार्यालयका सचिव टेकनारायण पाण्डे नक्कली भुटानी शरणार्थी काण्डमा पक्राउ

बुधबार, वैशाख २०, २०८० बागेश्वरी पोस्ट

नेपालगन्ज । उपराष्ट्रपति कार्यालयमा कार्यरत सचिव टेकनारायण पाण्डे पक्राउ परेका छन् । उनी पक्राउ परेसँगै निलम्बनमा परेका छन् ।

नेपालीलाई नक्कली भुटानी शरणार्थी बनाएर अमेरिका लैजाने भन्दै ठगी प्रकरणमा संलग्न रहेको आरोपमा पाण्डेमाथि प्रहरीले सोधपुछ गरिरहेको छ । सचिव पाण्डेलाई काठमाडौं जिल्ला अदालतले ३ दिन हिरासतमा राख्ने अनुमति दिएको छ ।

जिल्ला प्रहरी परिसर काठमाडौंले आज पाण्डेलाई नियन्त्रणमा लिएको थियो । पाण्डे यसअघि गृहसचिव थिए ।

निजामति सेवा ऐनमा 'नैतिक पतन देखिने फौजदारी अभियोगमा गिरफ्तार भई थुनिएको निजामति कर्मचारी त्यसरी थुनिएको अवधिभर स्वत: निलम्बन भएको मानिने' उल्लेख छ ।

संघीय मामिला तथा सामान्य प्रशासन मन्त्रालयका प्रवक्ता कमलप्रसाद भट्टराईले सचिव पाण्डेलाई निलम्बन गर्ने प्रक्रियासमेत अघि बढिसकेको बताए ।

‘पक्राउ परेर अनुसन्धानका लागि हिरासतमा रहेपछि सो अवधिभर ऐनअनुसार स्वत: निलम्बन हुन्छ,’ उनले भने । नक्कली भुटानी शरणार्थी काण्डमा थुप्रै हाइप्रोफाइल मुछिएका छन् ।

प्रकाशित मिति: बुधबार, वैशाख २०, २०८० १८:०३

प्रतिक्रिया दिनुहोस्