एमाले नेता टोपबहादुर रायमाझीदेखि पूर्वगृहमन्त्रीका छोरा प्रतिकविरुद्ध पक्राउ पुर्जी

सुरक्षा-अपराध

गृहपृष्ठ
सुरक्षा-अपराध
एमाले नेता टोपबहादुर रायमाझीदेखि पूर्वगृहमन्त्रीका छोरा प्रतिकविरुद्ध पक्राउ पुर्जी

एमाले नेता टोपबहादुर रायमाझीदेखि पूर्वगृहमन्त्रीका छोरा प्रतिकविरुद्ध पक्राउ पुर्जी

बुधबार, वैशाख २०, २०८० बागेश्वरी पोस्ट

नेपालगन्ज । नक्कली भुटानी शरणार्थी गठी काण्डमा नेकपा एमालेका नेता तथा पूर्व ऊर्जामन्त्री टोपबहादुर रायमाझीविरुद्ध पक्राउ पुर्जी जारी भएको छ ।

नक्कली भुटानी शरणार्थी बनाएर ठगी गरेको आरोपमा काठमाडौं जिल्ला अदालतले उनीविरुद्ध पक्राउ पुर्जी जारी गरेको हो ।

रायमाझीका छोरा सन्दीप पनि नक्कली शरणार्थी बनाएर अमेरिका पठाउने गिरोहका सदस्य रहेको आरोप छ ।

सन्दीपलाई पनि पक्राउ गर्न प्रहरीले पुर्जी जारी गरेको छ ।

त्यस्तै पूर्वगृहमन्त्री रामबहादुर थापा 'बादल' का छोरा प्रतीक थापालाई पनि नक्कली भुटानी शरणार्थी गठी काण्डमा पक्राउ पुर्जी जारी भएको छ ।

जिल्ला अदालत, काठमाडौंले उनलाई पक्राउ गर्न पुर्जी दिएको अदालत स्रोतले अनलाइनखबरलाई बतायो ।

थापाले बुबा गृहमन्त्री भएका बेला शरणार्थी बनाएर अमेरिका पठाउने भन्दै असुली गरेको गिरोहबाट आर्थिक लाभ लिएर अनुचित कार्य गरेको भन्दै प्रहरीले पक्राउ पुर्जी जारी गरिदिन अदालतमा भनेको थियो । उनीहरु लगायत धेरैलाई पक्राउ पुर्जी जारी भएको छ ।

प्रकाशित मिति: बुधबार, वैशाख २०, २०८० १८:१३