प्रेस स्वतन्त्रताको वर्तमान अवस्थाबारे नेपालगञ्जमा अन्तरक्रिया

स्थानीय

गृहपृष्ठ
स्थानीय
प्रेस स्वतन्त्रताको वर्तमान अवस्थाबारे नेपालगञ्जमा अन्तरक्रिया

प्रेस स्वतन्त्रताको वर्तमान अवस्थाबारे नेपालगञ्जमा अन्तरक्रिया

बुधबार, वैशाख २०, २०८० बागेश्वरी पोस्ट

नेपालगञ्ज । पूर्ण प्रेस तथा अभिब्यक्ति स्वतन्त्रताको वर्तमान अवस्था विषयक अन्तरक्रिया कार्यक्रम आज नेपालगञ्जमा सम्पन्न भएको छ ।

हरेक बर्ष मे ३ तारिखमा मनाइने विश्व प्रेस स्वतन्त्रता दिवसका अवसरमा नेपाल पत्रकार महासंघ बाँके शाखाले आयोजना गरेको अन्तरक्रिया कार्यक्रममा राज्य, राजनीतिक दल, नयाँ मिडिया, नयाँ प्रविधि र स्वयम् पत्रकारका आफ्ना क्रियाकलापका कारण प्रेस स्वतन्त्रता कुण्ठित हुने अवस्था रहेको अवस्था चित्रण गरिएको छ । आश, त्रास, मोह, लोभ र क्रोधका कारण पनि प्रेस स्वतन्त्रता जोखिममा रहेको बक्ताहरुको भनाई छ ।

May be an image of 4 people and text

प्रेस तथा अभिब्यक्ति स्वतन्त्रता संवैधानिक अधिकारका रुपमा संरक्षित गरिएपनि त्यस अनुरुप कानुन निर्माण हुन नसक्नु दुःखद् पक्ष भएको बताउँदै बक्ताहरुले प्रेसमैत्री कानुन निर्माणमा राज्य गम्भीर हुनुपर्ने आवश्यकता औंल्याएका छन् । प्रेस स्वतन्त्रता हननका घटना संख्यामा कम जस्तो देखिएपनि प्रबृत्ति उस्तै रहेको भन्दै पत्रकारहरुले चिन्ता व्यक्त गरेका छन् । राज्य र राजनीतिक दल प्रेस स्वतन्त्रताका सवालमा अनुदार रहेको टिप्पणी उनीहरुको छ ।

May be an image of 11 people, people studying and text

नेपाल पत्रकार महासंघ बाँके शाखाका अध्यक्ष दामोदर भण्डारीको अध्यक्षतामा सम्पन्न कार्यक्रममा नेपाल पत्रकार महासंघका पूर्व केन्द्रिय सदस्य झलक गैरे, पत्रकार महासंघ लुम्बिनी प्रदेश सदस्य मो.आरिफ अन्सारी, नेपाल प्रेस युनियनका लुम्बिनी प्रदेश महासचिव नवीन गिरी, नेपाल पत्रकार महासंघ बाँके शाखाका पूर्व उपाध्यक्ष गोविन्द शर्मा, नेपाल प्रेस युनियन बाँकेका अध्यक्ष अर्जुन ओली, प्रेस सेन्टर बाँकेका सचिव केपी घिमिरे, समाजवादी प्रेस संगठनका अध्यक्ष लोकनाथ शर्मा, पत्रकारहरु शंकरप्रसाद खनाल, विरेन्द्र जैसी, सुमन गिरी श्रेष्ठले बोलेका थिए । उपाध्यक्ष संगिन शर्माले स्वागत मन्तब्य व्यक्त गरेको कार्यक्रमको सञ्चालन सचिव कमल डाँगीले गरेका थिए ।

May be an image of 8 people, people smiling, people studying, table and hospital