६ महिना नपुग्दै अर्थमा फेरिए सचिव,अर्जुन पोखरेलको अर्थमा सरुवा

राजनीति

गृहपृष्ठ
राजनीति
६ महिना नपुग्दै अर्थमा फेरिए सचिव,अर्जुन पोखरेलको अर्थमा सरुवा

६ महिना नपुग्दै अर्थमा फेरिए सचिव,अर्जुन पोखरेलको अर्थमा सरुवा

एकैपटक सात जना सचिवको सरुवा

बिहीबार, वैशाख २१, २०८० बागेश्वरी पोस्ट

नेपालगन्ज । सरकारका सात सचिवको एकैपटक सरुवा भएको छ । मन्त्रिपरिषदको बुृधबारको बैठकले सात सचिवको एकैपटक सरुवा गरेको हो ।

जसअनुसार अर्थ सचिवमा अर्जुन पोखरेललाई ल्याइएको छ । अर्थका सचिव तोय रायलाई उपराष्ट्रपतिको कार्यालयमा सरुवा गरिएको छ ।

अर्थमन्त्री विष्णु पौडेलले रायलाई अर्थमा ल्याएका थिए । रायलाई अर्थमा सरुवा गरेको ६ महिनामा उपराष्ट्रपति कार्यालयमा पठाइएको हो ।

बजेटको मुखमा अर्थसचिवको जिम्मेवारीमा आएको पोखरेल प्रधानमन्त्री तथा मन्त्रिपरिषद् कार्यालयमा आउनु अघि पनि अर्थसचिवको लागि निकै पहल गरेका थिए ।

उनी विगतमा आन्तरिक राजश्व विभाग, भन्सार ‍विभाग, त्रिभुवन विमानस्थलको भन्सार कार्यालयमा लगायतका अर्थ मातहतका निकायमा बसेर काम गरेका थिए ।

सम्पत्ति शुद्धिकरण विभाग प्रमुख, अर्थ मन्त्रालयको मन्त्रालयको प्रशासन महाशाखा प्रमुख बनेर काम गरेको अनुभव पनि पोखरेलसँग छ ।

सञ्चार तथा सूचना प्रविधि मन्त्रालयबाट सरुवा गरेर कामै नदिई राखिएका सचिव बैकुण्ठ अर्याललाई प्रधानमन्त्री तथा मन्त्रिपरिषद् कार्यालयमा व्यवस्थापन गरिएको छ ।

राष्ट्रपति कार्यालयका सचिव यादव कोइरालालाई प्रधानमन्त्री कार्यालयमा सरुवा गरिएको छ ।

प्रधानमन्त्री कार्यालयका सुमन अर्याललाई महिला, बालबालिका तथा ज्येष्ठ नागरिक मन्त्रालयमा सरुवा गरिएको छ ।

महिला मन्त्रालयका सचिव डिल्लीराम शर्मालाई राष्ट्रपतिको कार्यालय सरुवा गरिएको छ ।

नेपालीलाई नक्कली भुटानी शरणार्थी बनाएर विदेश पठाउने तयारी गरेको आरोप लागेर बुधबार पक्राउ परेका सचिव टेकनारायण पाण्डेलाई अतिरिक्त समूहमा राखिएको छ ।

प्रकाशित मिति: बिहीबार, वैशाख २१, २०८० ०८:४८

प्रतिक्रिया दिनुहोस्