नक्कली शरणार्थी काण्ड: टोपबहादुर रायमाझीका छोरा सन्दीपलाई काठमाडौं लगियो

सुरक्षा-अपराध

गृहपृष्ठ
सुरक्षा-अपराध
नक्कली शरणार्थी काण्ड: टोपबहादुर रायमाझीका छोरा सन्दीपलाई काठमाडौं लगियो

नक्कली शरणार्थी काण्ड: टोपबहादुर रायमाझीका छोरा सन्दीपलाई काठमाडौं लगियो

बिहीबार, वैशाख २१, २०८० बागेश्वरी पोस्ट

नेपालगन्ज । नेपालीलाई नक्कली भुटानी शरणार्थी बनाएर अमेरिका लैजाने गिरोह धन्धामा मुछिएर पक्राउ परेका पूर्व उपप्रधानमन्त्री तथा नेकपा एमालेका सचिव टोपबहादुर रायमाझीका छोरा सन्दीप रायमाझीलाई आज काठमाडौं लगिएको छ ।

हिजो साँझ बुटवलबाट पक्राउ परेका सन्दीपलाई आज बिहान रूपन्देही प्रहरीले भैरहवा विमानस्थलबाट बुद्ध एयरको विमानमार्फत काठमाडौं पठाएको हो ।

रूपन्देहीका प्रहरी नायब उपरीक्षक श्यामु अर्यालका अनुसार रायमाझीलाई बिहान ७ बजे अघि नै भैरहवा विमानस्थल पुर्‍याइएको भएपनि मौसमका कारण फ्लाइट डिले भएको थियो ।

'सन्दीपलाई लिएर गएको बुद्ध एयरको जहाज भर्खरै काठडमाडौं अवतरण गरेको भन्ने जानकारी प्राप्त भएको छ,’ डिएसपी अर्यालले भने । उनलाई आजै काठमाडौं प्रहरी परिसरले जिल्ला अदालत काठमाडौंबाट म्याद थप गर्ने जनाएको छ ।

काठमाडौं जिल्ला अदालतले उनीसहित उनका बुव टोपबहादुर रायमाझीलाई यहि काण्डमा पक्राउ पुर्जी जारी गरेको थियो । सन्दीप पक्राउ परेपनि टोपबहादुर अझै पक्राउ परेका छैनन् ।

यहि नक्कली शरणार्थी काण्डमा तत्कालीन पूर्व गृहमन्त्री रामबहादुर थापा बादलका सल्लाहकार इन्द्रजित राई मंगलबार र उपराष्ट्रपति कार्यालयका सरकारका सचिव टेकनारायण पाण्डे बुधबार पक्राउ परेका छन् । बादलका छोरा प्रतीक थापालाई पनि पक्राउ पुर्जी जारी भएको छ तर उनी फरार छन् ।

नाइकेहरू केशव दुलाल, सानु भण्डारी, टंक गुरुङ, सन्देश शर्मा पोखरेल र सागर थुलुङ राई पक्राउ परेपछि उनीहरुबाट प्राप्त प्रमाण र बयानका आधारमा प्रहरीले थप अनुसन्धान गरिरहेको जनाएको छ ।

प्रकाशित मिति: बिहीबार, वैशाख २१, २०८० १०:०८

प्रतिक्रिया दिनुहोस्