किन एकाएक प्रधानमन्त्रीलाई भेट्न सिंहदरबार पुगे एमाले अध्यक्ष ओली

राजनीति

गृहपृष्ठ
राजनीति
किन एकाएक प्रधानमन्त्रीलाई भेट्न सिंहदरबार पुगे एमाले अध्यक्ष ओली

किन एकाएक प्रधानमन्त्रीलाई भेट्न सिंहदरबार पुगे एमाले अध्यक्ष ओली

बिहीबार, वैशाख २१, २०८० बागेश्वरी पोस्ट

नेपालगन्ज । नेकपा एमाले अध्यक्ष एवम प्रमुख प्रतिपक्ष दलका नेतासमेत रहेका केपी शर्मा ओली आज प्रधानमन्त्री पुष्पकमल दाहाल प्रचण्डलाई भेट्न सिंहदरबार पुगेका छन् ।

आज दिउँसो सिंहदरबारस्थित प्रधानमन्त्री कार्यालयमा प्रधानमन्त्री प्रचण्ड र नेता ओलीबीच भेटवार्ता भएको हो ।

सो भेटवार्ताका क्रममा नेकपा एमालेका अध्यक्ष ओलीले नेपालीलाई नक्कली भुटानी शरणार्थी बनाएर ठगी प्रकरणमा दोषीलाई उम्कन दिन नहुने बताएका छन् ।

पुष्पकमल दाहाल प्रचण्डसँग भेटवार्ता गरेपछि पत्रकारहरूसँग कुराकानी गर्दै अध्यक्ष ओलीले दोषी उम्काउन आफ्नो पार्टीले प्रयास नगर्ने बताए ।

‘नक्कली भुटानी शरणार्थीबारे निर्दोष पर्न भएन, दोषी उम्कन हुँदैन,’ ओलीले भने, ‘दोषी उम्काउने हाम्रो प्रयास हुँदैन ।’ भने खुलाइएको छैन । एकाएक केपी ओली र प्रचण्डबीच छलफल हुनुलाई भने गम्भीर रुपमा लिइएको छ ।

हिजो मात्रै एमालेका सचिव टोपबहादुर रायमाझीमाथि पक्राउ पुर्जी जारी भएसँगै तरंग उत्पन्न हुँदा ओलीले प्रचण्डलाई भेट्नुलाई अर्थपूर्ण रुपमा लिइएको छ ।

प्रकाशित मिति: बिहीबार, वैशाख २१, २०८० १५:०९

प्रतिक्रिया दिनुहोस्