कांग्रेसका नवनियुक्त तीन जना मन्त्रीले लिए सपथ

राजनीति

गृहपृष्ठ
राजनीति
कांग्रेसका नवनियुक्त तीन जना मन्त्रीले लिए सपथ

कांग्रेसका नवनियुक्त तीन जना मन्त्रीले लिए सपथ

बिहीबार, वैशाख २१, २०८० बागेश्वरी पोस्ट

नेपालगन्ज । नेपाली कांग्रेसका तीन जना नवनियुक्त मन्त्रीहरुले आज पद तथा गोपनियताको सपथ लिएका छन् ।

हिजो प्रधानमन्त्री पुष्पकमल दाहाक 'प्रचण्ड' को सिफारिसमा राष्ट्रपति रामचन्द्र पौडेलले नेपाली कांग्रेसका धनराज गुरुङलाई कानुन न्याय तथा संसदीय मामिला, मोहन बस्नेतलाई स्वास्थ्य तथा जनसङ्ख्या र डिगबहादुर लिम्बुलाई युवा तथा खेलकुद मन्त्रीमा नियुक्त गरेका हुन् ।

कांग्रेसबाट नियुक्त भएका तीनै जना मन्त्रीहरुलाई आज दिउँसो राष्ट्रपति कार्यालयमा राष्ट्रपति पौडेलले पद तथा गोपनियताको सपथ गराएका हुन् ।

कांग्रेसको भागमा आठ वटा मन्त्रालय रहेकामा यसअघि दुई चरणमा गरेर पाँच जनाले शपथ खाएका थिए । आजको शपथसँगै कांग्रेसको कोटा सरकारमा पूरा भएको छ ।

यसअघि जनमत पार्टीका मन्त्री अब्दुल खाले राजीनामा दिएपछि रिक्त रहेको खानेपानी मन्त्रालय मन्त्रिविहीन छ ।

प्रकाशित मिति: बिहीबार, वैशाख २१, २०८० १६:१३

प्रतिक्रिया दिनुहोस्