भुटानी शरणार्थी प्रकरणमा मेरो कुनै संलग्नता छैन: पूर्वगृहमन्त्री खाण (विज्ञप्तिसहित)

सुरक्षा-अपराध

गृहपृष्ठ
सुरक्षा-अपराध
भुटानी शरणार्थी प्रकरणमा मेरो कुनै संलग्नता छैन: पूर्वगृहमन्त्री खाण (विज्ञप्तिसहित)

भुटानी शरणार्थी प्रकरणमा मेरो कुनै संलग्नता छैन: पूर्वगृहमन्त्री खाण (विज्ञप्तिसहित)

शनिबार, वैशाख २३, २०८० बागेश्वरी पोस्ट

नेपालगन्ज । नक्कली भुटानी शरणार्थी प्रकरणमा आफ्नो नाम जोडेर समाचार आएपछि नेपाली कांग्रेसका नेता एबं पूर्व गृहमन्त्री बालकृष्ण खाँणले ध्यानाकर्षण भएको बताएका छन् ।

नेपालीलाई नक्कली भुटानी शरणार्थी बनाएर अमेरिका पठाउने प्रकरणमा विभिन्न सञ्चार माध्यमहरुले आफ्नो नाम जोडेर लेखेपछि पूर्वगृहमन्त्री खाणले प्रकाशित त्यस्ता समाचारप्रति ध्यानाकर्षण भएको बताउँदै आज बिहान विज्ञप्ति जारी गरेका छन् ।

‘आधारहीन, तथ्यहीन र संलग्न हुँदै नभएका घटनामा संलग्न भयो भन्दै र जाँदै नगएका स्थानमा भ्रमणमा गएको भन्ने समाचारले अन्योल उत्पन्न हुने र व्यक्तिगत चरित्रहत्या हुने हुँदा यस्ता समाचार सम्प्रेषित नगरी दिनुहुन अनुरोध छ,' पूर्व गृहमन्त्री खाणको विज्ञप्तिमा उल्लेख छ ।