नक्कली भुटानी शरणार्थी प्रकरणमा पटकपटक एमाले अध्यक्ष ओलीले प्रधानमन्त्रीलाई भेट्दै

सुरक्षा-अपराध

गृहपृष्ठ
सुरक्षा-अपराध
नक्कली भुटानी शरणार्थी प्रकरणमा पटकपटक एमाले अध्यक्ष ओलीले प्रधानमन्त्रीलाई भेट्दै

नक्कली भुटानी शरणार्थी प्रकरणमा पटकपटक एमाले अध्यक्ष ओलीले प्रधानमन्त्रीलाई भेट्दै

शनिबार, वैशाख २३, २०८० बागेश्वरी पोस्ट

फाइल फोटो

नेपालगन्ज । नक्कली भुटानी शरणार्थी प्रकरणपछि नेकपा एमालेका अध्यक्ष एवं पूर्व प्रधानमन्त्री केपी शर्मा ओलीले आज पनि प्रधानमन्त्री पुष्पकमल दाहाल प्रचण्डलाई भेटेका छन् ।

यहीँ प्रकरणमा अध्यक्ष ओलीले प्रधानमन्त्री प्रचण्डसँग बिहिवार पनि भेट गरिसकेका छन् ।

तीन दिनको अन्तरमा दोस्रो पटक प्रचण्डलाई भेट्न ओली सिंहदरबार पुगेका हुन् । नक्कली भुटानी शरणार्थी प्रकरणमा पूर्वउपप्रधानमन्त्री एवं एमाले सचिव टोपबहादुर रायमाझी मुछिएपछि ओलीले प्रधानमन्त्रीसँग छलफल गरेका हुन् ।

उनले एमाले नेताहरुलाई अनावश्यकरुपमा मुछ्न खोजेको भन्दै असन्तुष्टि जनाएका छन् । यता पक्राउ पुर्जी जारी भएका रायमाझी फरार रहेका छन् । उनले प्रहरीलाई आफूलाई गिरफ्तार गर्न नपर्ने आफैं अदालतमा उपस्थित हुने जनाएर फरार भएका थिए ।

त्यसैगरी प्रहरीको उच्च स्रोतका अनुसार केपी ओलीका आफन्तले पनि नक्कली शरणार्थी गिरोहबाट रकम बुझ्दै आएका छन् ।

अहिले आएर ओलीले प्रचण्डलाई दबाब दिन थालेका छन् । प्रधानमन्त्री पुष्पकमल दाहाल प्रचण्डले भुटानी शरणार्थीको प्रकरणमा आफू दबाबमा नपर्ने बताएका छन् ।

यस घटनामा नेकपा एमालेका सचिव टोपबहादुर रायमाझी र एमाले उपाध्यक्ष तथा पूर्वगृहमन्त्री रामबहादुर थापा बादलका छोरा प्रतिकविरुद्ध पक्राउ पुर्जी जारी भइसकेको छ ।

रायमाझीका छोरा सन्दीप, तत्कालिन गृहमन्त्री रामबहादुर थापा बादलका सुरक्षा सल्लाहकार इन्द्रजित राई र पूर्व गृह सचिव टेकनारायण पाण्डे पक्राउ परिसकेका छन् ।

प्रकाशित मिति: शनिबार, वैशाख २३, २०८० १४:५१

प्रतिक्रिया दिनुहोस्