भुटानी शरणार्थी प्रकरण: यो ट्रेलर मात्र हो, हेर्दै गए सिंगै फिल्म देखिन्छ: प्रधानमन्त्री

सुरक्षा-अपराध

गृहपृष्ठ
सुरक्षा-अपराध
भुटानी शरणार्थी प्रकरण: यो ट्रेलर मात्र हो, हेर्दै गए सिंगै फिल्म देखिन्छ: प्रधानमन्त्री

भुटानी शरणार्थी प्रकरण: यो ट्रेलर मात्र हो, हेर्दै गए सिंगै फिल्म देखिन्छ: प्रधानमन्त्री

शनिबार, वैशाख २३, २०८० बागेश्वरी पोस्ट

नेपालगन्ज । नक्कली भुटानी शरणार्थी प्रकरणमा जोडिएका कोही कसैलाई पनि छुट नदिइने प्रधानमन्त्री पुष्पकमल दाहाल ‘प्रचण्ड’ले दृढता व्यक्त गरेका छन् । उनले कोही कसैको दबाबमा नपर्ने र दोषीलाई कारबाहीको दायरामा ल्याएरै छाडिने बताए ।

प्रधानमन्त्री तथा मन्त्रिपरिषद्को कार्यालयमा आज प्रधानमन्त्री दाहाल र नेकपा एमालेका अध्यक्ष केपी शर्मा ओलीसँग छलफल भएको थियो । त्यसलगत्तै सिंहदरबारमा सञ्चारकर्मीसँगको संक्षिप्त कुराकानीमा प्रधानमन्त्री दाहालले भने, “आज ओलीजीले अनुसन्धानबारे कन्सर्न राख्नुभयो ।”

ओलीले नक्कली शरणार्थी प्रकरणमा पार्टीका उच्च तहका नेताहरुमाथि भइरहेको अनुसन्धानका बारेमा चासो राखेको प्रधानमन्त्री दाहालले जानकारी दिए । उनले भने, “हामी कसैको दबाबमा पर्दैनौँ । कानूनअनुसार अनुसन्धान प्रक्रिया अघि बढ्छ, यो रोकिँदैन । हामी दृढताका साथ अघि बढ्छौँ ।”

प्रधानमन्त्री दाहालले ‘निर्दोष कोही नपरून्, दोषी कोही नछुटून्’ भन्ने मान्यतामा नै सरकार अगाडि बढिरहेको बताए ।

त्यस्तै नेपाल दलित मुक्ति मोर्चाको राष्ट्रिय सम्मेलनलाई सम्बोधन गर्दै दाहालले भने, ‘उत्पीडित जनसमुदायको साथ भयो भने जुनसुकै घेराबन्दी र धम्कीको सामना गरिनेछ, भ्रष्टचारीलाई कारबाही गरिनेछ ।’

उनले भने, ‘अब भ्रष्टाचारीको फाइल खोलिन्छ, कसैलाई छाडिन्न । यो ट्रेलर मात्रै हो, हेर्दै गए अब सिंगै फिल्म देखिन्छ ।’

प्रकाशित मिति: शनिबार, वैशाख २३, २०८० १७:४७

प्रतिक्रिया दिनुहोस्