प्रधानन्यायाधीशमा हरिकृष्ण कार्कीको नाम सिफारिस

राजनीति

गृहपृष्ठ
राजनीति
प्रधानन्यायाधीशमा हरिकृष्ण कार्कीको नाम सिफारिस

प्रधानन्यायाधीशमा हरिकृष्ण कार्कीको नाम सिफारिस

सोमबार, वैशाख २५, २०८० बागेश्वरी पोस्ट

नेपालगन्ज । प्रधानन्यायाधीशमा हरिकृष्ण कार्कीको नाम सिफारिस भएको छ ।

संवैधानिक परिषदको आज बसेको बैठकले कार्कीलाई प्रधानन्यायाधीश नियुक्तिका लागि सिफारिस गरेको हो ।

अहिले कार्की कामु प्रधानन्यायाधीशका रुपमा छन् । अब संसदीय सुनुवाइपछि कार्कीलाई राष्ट्रपतिले प्रधानन्यायाधीशमा नियुक्ति गर्नेछन् । चोलेन्द्रशमशेर जबराविरुद्ध महाअभियोग प्रस्ताव दर्ता भएपछि दीपककुमार कार्की कामु प्रधानन्यायाधीश भएका थिए ।

दीपककुमार उमेर हदका कारण अवकाश भएपछि गत ११ असोजदेखि कार्की कामु प्रधानन्यायाधीशको भूमिकामा रहँदै आएका थिए ।

बैठकमा प्रधानमन्त्री पुष्पकमल दाहाल प्रचण्ड, प्रतिनिधिसभाका सभामुख देवराज घिमिरे, राष्ट्रियसभाका अध्यक्ष गणेशप्रसाद तिमिल्सिना, उपसभामुख इन्दिरा राना, कानुन, न्याय तथा संसदीय मामिला मन्त्री धनराज गुरुङ र प्रतिनिधिसभाका प्रमुख प्रतिपक्षी दलका नेता केपी शर्मा ओलीको सहभागिता रहेको थियो ।

प्रकाशित मिति: सोमबार, वैशाख २५, २०८० १९:४६

प्रतिक्रिया दिनुहोस्