प्रहरीको साइबर ब्युरोमा आरजु राणा

सुरक्षा-अपराध

गृहपृष्ठ
सुरक्षा-अपराध
प्रहरीको साइबर ब्युरोमा आरजु राणा

प्रहरीको साइबर ब्युरोमा आरजु राणा

बुधबार, वैशाख २७, २०८० बागेश्वरी पोस्ट

नेपालगन्ज । नक्कली भुटानी शरणार्थी प्रकरणमा आफ्नो नाम जोडेर आएको अडिओबारे छानबिनको माग गर्दै नेपाली कांग्रेसकी सांसद आरजू राणा देउवाले आज दिउँसो प्रहरीको साइबर ब्युरोमा निवेदन दिएकी छिन् ।

आफ्नो कुनै सरोकार र जानकारी नै नभएको नक्कली भुटानी शरणार्थीका सम्बन्धमा आफ्नोसमेत नाम जोडी कुराकानी गरिएको अडियो ‘फेक’ रहेको दाबी गर्दै उनले उक्त अडियो रेकर्ड कहाँ, कसरी, कसले र के उद्देश्यले रेकर्ड गरेका हुन् भन्ने विषयमा छानबिन गरी दोषीलाई कारबाही गर्न माग गरेकी छिन् ।

उनले आफ्नो निवेदनको बोधार्थमा प्रधानमन्त्री तथा मन्त्रिपरिषद कार्यालय, संसद सचिवालय, गृह मन्त्रालय र प्रहरी प्रधान कार्यालयको नाम राखेकी छिन् ।

प्रकाशित मिति: बुधबार, वैशाख २७, २०८० १७:१५

प्रतिक्रिया दिनुहोस्