नक्कली शरणार्थी प्रकरणमा दोषी देखिएकालाई प्रहरीले छोड्दैन्: गृहमन्त्री

सुरक्षा-अपराध

गृहपृष्ठ
सुरक्षा-अपराध
नक्कली शरणार्थी प्रकरणमा दोषी देखिएकालाई प्रहरीले छोड्दैन्: गृहमन्त्री

नक्कली शरणार्थी प्रकरणमा दोषी देखिएकालाई प्रहरीले छोड्दैन्: गृहमन्त्री

बुधबार, वैशाख २७, २०८० बागेश्वरी पोस्ट

फाइल फोटो

नेपालगन्ज । नक्कली भुटानी शरणार्थी प्रकरणमा जो कोही अनुसन्धानमा दोषी देखिएपनि तिनिहरुलाई प्रहरी प्रशासनले नछोड्ने उपप्रधानमन्त्री तथा गृहमन्त्री नारायणकाजी श्रेष्ठले बताएका छन् ।

आज सिंहदरबारमा पत्रकारहरुसँग कुरा गर्दै मन्त्री श्रेष्ठले यो प्रकरणमा निष्पक्ष ढंगले अनुसन्धान प्रक्रिया अघि बढाउन र त्यसलाई निष्कर्षमा पुर्याउन प्रहरी प्रशासन लागिपरेको जानकारी दिएका छन् ।

गृहमन्त्री श्रेष्ठले निष्पक्ष ढंगले अनुसन्धान अघि बढाउन र त्यसलाई निष्कर्षमा पुर्‍याउन लागि परेको बताउँदै भने, ‘असन्धानले जसलाई दोषी देखाउँछ, त्यसलाई प्रहरीले छोड्दैन।’

गृहमन्त्री श्रेष्ठले आज शीर्ष नेताहरुसँग आफ्नो भेट नभएको र हिजो बालुवाटारमा भएको बैठकमा शीर्ष नेताहरुसँग अनुसन्धानमा सहयोग पुर्‍याउन आग्रह गरेको बताए ।

राष्ट्रघाती कुकर्म भएको बताउँदै उनले त्यसमाथि अनुसन्धान प्रक्रिया अघि बढाउनुपर्ने र दोषी जो भएपनि कारवाही गर्नुपर्छ भन्ने कुरामा सहमति भएको गृहमन्त्री श्रेष्ठले बताए ।

आज बिहान मात्रै यहीँ प्रकरणमा नेपाली कांग्रेसका नेता एबम पूर्वगृहमन्त्री बालकृष्ण खाण र उनलाई स्वकीय सचिव नरेन्द्र केसीलाई पक्राउ गरिसकेको छ भने पूर्वउपप्रधानमन्त्री टोपबहादुर रायमाझी फरार छन् ।

प्रकाशित मिति: बुधबार, वैशाख २७, २०८० १७:५२

प्रतिक्रिया दिनुहोस्