पूर्व गृहमन्त्री खाणको आज सरकारी वकिलले बयान लिँदै

सुरक्षा-अपराध

गृहपृष्ठ
सुरक्षा-अपराध
पूर्व गृहमन्त्री खाणको आज सरकारी वकिलले बयान लिँदै

पूर्व गृहमन्त्री खाणको आज सरकारी वकिलले बयान लिँदै

बिहीबार, वैशाख २८, २०८० बागेश्वरी पोस्ट

नेपालगन्ज । नक्कली भुटानी शरणार्थी प्रकरणमा पक्राउ परेका नेपाली कांग्रेसका नेता एबम पूर्वगृहमन्त्री बालकृष्ण खाणको आजबाट बयान शुरु हुने भएको छ ।

सरकारी वकिल काठमाडौंले आजबाट पूर्वगृहमन्त्री खाण पक्राउको विषयमा केन्द्रित भएर आज बयान लिन शुरु गर्ने भएको हो ।

‘हिजो प्रहरीले किन पक्राउ गरेको हो ? अदालत किन जानु भएको हो ? अदालतले के के निर्णय दियो ? लगायतको विषयमा सामान्य सोधपुछ गरिएको थियो भने आजबाट पक्राउ पर्नुको कारण के हो र त्यसमा उनको संलग्नता के कस्तो हो ? भन्ने विषयमा केन्द्रित भएर बयान शुरु हुनेछ,’ एक सरकारी वकिलले भने ।

उनका अनुसार आजबाट नक्कली भुटानी शरणार्थी प्रकरणमा खाणको संलग्नता र उनका सहयोगीहरुका बारेमा पनि सोधपुछ गरिनेछ ।

हिजो बिहान ‘जरुरी पत्र’ मार्फत पक्राउ परेका पूर्व गृहमन्त्री खाण माथि अनुसन्धान गर्नका लागि जिल्ला अदालत, काठमाडौंले चार दिनको समय दिइसकेको छ ।

अदालतले दिएको समयसिमा भित्र नै खाँडको बयान सक्ने तयारीमा सरकारी वकिलको कार्यालय रहेको छ । आज रातभर प्रहरी कस्टडीमा बिताएका पूर्वगृहमन्त्री खाणसँग आज बिहान १० बजेपछि सरकारी वकिलले बयान लिन शुरु गर्ने जनाइएको छ ।

हिजो झन्डै ४५ मिनेट सरकारी वकिलको कार्यालयमा बिताएका खाणले सरकारी वकिलसमक्ष आफ्नो पक्राउ बारेमा सामान्य जानकारी दिएका थिए ।

प्रकाशित मिति: बिहीबार, वैशाख २८, २०८० ०८:१९

प्रतिक्रिया दिनुहोस्