गल्छीको होटलमा एक युवकको चक्कु प्रहारबाट मृत्यु, स्थानीयहरुले गाडी जलाए

सुरक्षा-अपराध

गृहपृष्ठ
सुरक्षा-अपराध
गल्छीको होटलमा एक युवकको चक्कु प्रहारबाट मृत्यु, स्थानीयहरुले गाडी जलाए

गल्छीको होटलमा एक युवकको चक्कु प्रहारबाट मृत्यु, स्थानीयहरुले गाडी जलाए

बिहीबार, वैशाख २८, २०८० बागेश्वरी पोस्ट

फोटो: विकास रौनियार

नेपालगन्ज । धादिङमा चक्कु प्रहारबाट एक जना युवकको मृत्यु भएको छ। जिल्लाको गल्छी गाउँपालिका वडा नम्बर ८ गल्छीका २८ वर्षीय विनोद थापा मगरको ज्यान गएको छ ।

होटलमा आएको समयमा सामान्य विवाद हुँदा चक्कु प्रहारबाट गम्भीर घाइते भएका विनोदको उपचारका क्रममा काठमाडौंमा मृत्युु भएको धादिङ प्रहरीले जानकारी दिएको छ।

बुधबार राती ११ बजेतिर ग्राहकको रुपमा शानदार होटलमा आएका विनोद र होटल सञ्चालकका छोरा निरज पण्डितबीच सामान्य विवाद भएर भनाभन हुँदा निज होटल सञ्चालको चक्कु प्रहारबाट गम्भीर घाइते भएका विनोदको उपचारका क्रममा काठमाडौं मृत्यु भएको धादिङ प्रहरीले जनाएको छ।

प्रहरीले होटल सञ्चालक सरस्वती पण्डित र उनका छोरा निरजलाई पक्राउ गरेर अनुसन्धान अगाडि बढाएको जनाएको छ। आक्रमण भएको समयमा होटलमा खाना खान आएका अन्य ४ जना ग्राहकलाई पनि सोधपुछका लागि प्रहरीले नियन्त्रणमा लिएको छ।

विनोदको हत्या भएको भन्दै स्थानीयबासिन्दाले दोषीमाथि कारबाहीको माग राखेर अहिले गल्छी नुवाकोट त्रिशुली सडक खण्ड अवरुद्ध पारेका छन् । स्थानीयहरुले घटनामा संलग्न होटल सञ्चालकको गाडी पनि जलाएका छन् ।

मृतक विनोदका आफन्तहरुले धादिङबाट नुवाकोट जाने सडक पनि अवरूद्ध गरेका छन्। प्रहरीले सडक खुलाउने प्रयास गरिरहेको छ। पण्डितलाई प्रहरीले पक्राउ गरेपछि उनका आफन्तमाथि पनि आक्रमण हुनसक्ने भन्दै प्रहरी कार्यालयमै बसेका छन्।

प्रकाशित मिति: बिहीबार, वैशाख २८, २०८० ११:४४