शरणार्थी प्रकरण: पक्राउ परेकाहरु कुन-कुन हिरासतमा?

सुरक्षा-अपराध

गृहपृष्ठ
सुरक्षा-अपराध
शरणार्थी प्रकरण: पक्राउ परेकाहरु कुन-कुन हिरासतमा?

शरणार्थी प्रकरण: पक्राउ परेकाहरु कुन-कुन हिरासतमा?

शुक्रबार, वैशाख २९, २०८० बागेश्वरी पोस्ट

नेपालगन्ज । नक्कली भुटानी शरणार्थी प्रक्ररणमा मुछिएका मध्ये अहिलेसम्म १२ जनालाई प्रहरीले पक्राउ गरेको छ।

यस नक्कली शरणार्थी प्रकरणमा पक्राउ परेका भिआईपीदेखि मुख्य योजनाकारसमेत रहेका अहिले काठमाडौंका विभिन्न प्रहरी कार्यालय राखिएको छ। यस प्रकरणमा पक्राउ गरिएकाहरुलाई सँगै राखिएमा अनुसन्धान तुइन सक्ने भन्दै प्रहरीले उनीहरुलाई छुट्टाछुट्टै हिरासतमा राखेको हो।

यस प्रकरणमा नेपाली नागरिकलाई भुटानी सरणार्थी बनाएर अमेरिका पठाउने भन्दै करोडौं रुपैयाँ ठगी भएको छ। नक्कली सरणार्थी बन्नका लागि लाखौं रकम बुझाएकाहरुले ठगीको निवेदन दिएपछि धमाधम पक्राउ पर्दै गएका छन्।

पक्राउ परेका हाई प्रोफाइलमा नेपाली कांग्रेसका नेता एबम पूर्वगृहमन्त्री बालकृष्ण खाणदेखि नेपाल सरकारका सचिव टेकनारायण पाण्डे लगायतका व्यक्तिहरु छन् । काठमाडौं प्रहरी परिसरका प्रमुख एसएसपी दानबहादुर कार्कीले यस प्रकरणमा अझै १०-१२ जना अनुसन्धानमा आउने बताएका छन् ।

शरणार्थी प्रकरणमा पक्राउ परेकालाई कसलाई कहाँ राखिएको छ?

१: पूर्व गृहमन्त्री बालकृष्ण खाण (काठमाडौं जिल्ला परिसर टेकुको हिरासत)

२: खाणका निजी सचिव नरेन्द्र केसी ( लैनचौर वृत्तको हिरासत)

३: सचिव टेक नारायण पाण्डे (सिंहदरबार वृत्तको हिरासत)

४: एमाले सचिव टोपबहादुर रायमाझीका छोरा सन्दिप रायमाझी (टेकु परिसरको हिरासत)

५: तत्कालीन गृहमन्त्री एवं एमाले उपाध्यक्ष रामबहादुर थापा बादलका सुरक्षा सल्लाहकार ईन्द्रजित राई (टेकु परिसरको हिरासत)

६: दाङका सन्देश शर्मा (दरबारमार्ग वृत्तको हिरासत)

७: मोरङका केशव दुलाल (कालिमाटी वृत्तको हिरासत)

८: मोरङका सागर राई (टेकु परिसरको हिरासत)

९: ललितपुरका सानु भण्डारी (जनसेवा वृत्तको हिरासत)

१०: पाँचथरका कुमार गुरुङ (जनसेवा वृत्तको हिरासत)

११: टोखाका रामशरण केसी (टेकु परिसरको हिरासत)