पूर्व गृहमन्त्री बालकृष्ण खाणलाई पार्टीबाट निलम्बनको माग गर्दै नेविसंघको प्रदर्शन

सुरक्षा-अपराध

गृहपृष्ठ
सुरक्षा-अपराध
पूर्व गृहमन्त्री बालकृष्ण खाणलाई पार्टीबाट निलम्बनको माग गर्दै नेविसंघको प्रदर्शन

पूर्व गृहमन्त्री बालकृष्ण खाणलाई पार्टीबाट निलम्बनको माग गर्दै नेविसंघको प्रदर्शन

आइतबार, वैशाख ३१, २०८० बागेश्वरी पोस्ट

नेपालगन्ज । नक्कली भुटानी शरणार्थी प्रकरणमा मुछिएर पक्राउ परेका नेपाली कांग्रेसका केन्द्रीय सदस्य एवम् पूर्व गृहमन्त्री बालकृष्ण खाणलाई कांग्रेसबाट निलम्बन गर्न माग गर्दै नेविसंघले काठमाडौंमा प्रदर्शन गरेको छ ।

त्रिचन्द्र क्याम्पस नेविसंघका कार्यकर्ताहरूले खाणलाई पार्टीबाट निलम्बन गर्न माग गर्दै आज प्रदर्शन गरेका हुन् ।

प्रदर्शनमा उत्रिएका नेविसंघका कार्यकर्ताहरूले ‘सभापतिज्यू खाणलाई किन निलम्बन नगरेको ?’ लेखिएको प्लेकार्ड बोकेका थिए ।

नाता र नेता केही नहेरी भ्रष्टाचारीलाई कठघारामा उभ्याउनुपर्ने उनीहरूको भनाइ थियो । प्रदर्शनका क्रममा उनीहरूले नेविसंघको झन्डासहित प्रतिकात्मक रूपमा कागजको हत्कडी र कैदीबन्दीले लगाउने पोसाकसमेत प्रदर्शन गरेका थिए ।

नेपाली नागरिकलाई नक्कली भुटानी शरणार्थी बनाएर अमेरिका पठाउने गिरोहसँग रकम लेनदेन गरेको आरोपमा प्रहरीले कांग्रेस केन्द्रीय सदस्यसमेत रहेका खाणलाई २७ वैशाखमा जरुरी पुर्जी दिएर पक्राउ गरेको थियो ।

प्रकाशित मिति: आइतबार, वैशाख ३१, २०८० १३:१३

प्रतिक्रिया दिनुहोस्