नक्कली शरणार्थी प्रकरण: पक्राउ परेका सबैको ४ दिन म्याद थप

सुरक्षा-अपराध

गृहपृष्ठ
सुरक्षा-अपराध
नक्कली शरणार्थी प्रकरण: पक्राउ परेका सबैको ४ दिन म्याद थप

नक्कली शरणार्थी प्रकरण: पक्राउ परेका सबैको ४ दिन म्याद थप

आइतबार, वैशाख ३१, २०८० बागेश्वरी पोस्ट

नेपालगन्ज । नक्कली भुटानी शरणार्थी प्रकरणमा पक्राउ परेकाविरुद्धको मुद्दाको अनुसन्धान सकेर ४ दिनभित्र रायसहितको प्रतिवेदन पेश गर्न सरकारी वकिलको कार्यालय, काठमाडौंले प्रहरी परिसर काठमाडौंलाई निर्देशन दिएको छ।

आज प्रहरीले पूर्वगृहमन्त्री बालकृष्ण खाणसहित १२ जनालाई थप चार दिन हिरासतमा राखेर अनुसन्धान गर्न प्रहरीले काठमाडौं जिल्ला अदालतसँग अनुमति लिएको छ ।

केही आरोपितका वकिलहरुले थुनामा नराखी हाजिर जमानीमा छाडेर अनुसन्धान गर्न सकिने भन्दै म्याद थप्न आवश्यक नरहेको बहस गरिरहे पनि उनीहरुको बहस सकिएपछि जिल्ला अदालतले चार दिन म्याद थप गरेको हो ।

भुटानी शरणार्थी बनाएर अमेरिका लग्ने भन्दै नेपाली नागरिकबाट रकम असुलेको आरोपमा उनीहरुलाई पक्राउ गरिएको हो । पूर्वगृहमन्त्री खाँड, तत्कालीन गृहमन्त्री रामबहादुर थापा बादलका सल्लाहकार इन्द्रजित राई, नेपाल सरकारका सचिव टेकनारायण पाण्डे, एमाले नेता तथा पूर्वमन्त्री टोपबहादुर रायमाझीका छोरा सन्दीप रायमाझी, गिरोहका नाइके केशव दुलाल, सानु भण्डारी, टंक गुरुङ, सागर थुलुङ राईलगायत छन् ।

यस प्रकरणमा पक्राउ पुर्जी जारी भएका टोपबहादुर रायमाझी भने फरार छन् । त्यस्तै बादलका छोरालाई पनि पक्राउ पुर्जी जारी भएको छ ।

प्रकाशित मिति: आइतबार, वैशाख ३१, २०८० १८:०७

प्रतिक्रिया दिनुहोस्