फरार रहेका पूर्व उपप्रधानमन्त्री टोपबहादुर रायमाझी पक्राउ

सुरक्षा-अपराध

गृहपृष्ठ
सुरक्षा-अपराध
फरार रहेका पूर्व उपप्रधानमन्त्री टोपबहादुर रायमाझी पक्राउ

फरार रहेका पूर्व उपप्रधानमन्त्री टोपबहादुर रायमाझी पक्राउ

आइतबार, वैशाख ३१, २०८० बागेश्वरी पोस्ट

फोटो फाइल

नेपालगन्ज । पूर्वउपप्रधानमन्त्री टोपबहादुर रायमाझी पक्राउ परेका छन् ।

नक्कली भुटानी शरणार्थी प्रकरणमा मुछिएर पक्राउ पुर्जी जारी भएर फरार रहेका नेकपा एमालेका निलम्बित सचिव एबम सांसद रायमाझी पक्राउ परेका छन् ।

प्रहरीले रायमाझीलाई काठमाडौको बुढानीलकण्ठ क्षेत्रबाट आज साँझ पक्राउ गरेको गृह मन्त्रालय स्रोतले जानकारी दिएको छ ।

उनीविरुद्ध जिल्ला अदालत काठमाडौंले २० वैशाखमा पक्राउ पुर्जी जारी गरेको थियो । त्यस दिन अर्घाखाँचीमा रहेका उनी पक्राउ पुर्जी जारी भएपछि फरार थिए ।

यही प्रकरणमा अनुसन्धानका लागि प्रहरीले रायमाझीका छोरा सन्दीपलाई भने २० वैशाखमा नै पक्राउ गरेको थियो । यही प्रकरणमा पूर्वगृहमन्त्री बालकृष्ण खाण लगायत अन्य उच्च पदस्थ व्यक्ति पक्राउ परिसकेका छन्।