सांसदहरुको मागलाई सरकारले सुनुवाइ गरेन: दीपक गिरी

राजनीति

गृहपृष्ठ
राजनीति
सांसदहरुको मागलाई सरकारले सुनुवाइ गरेन: दीपक गिरी

सांसदहरुको मागलाई सरकारले सुनुवाइ गरेन: दीपक गिरी

सोमबार, जेठ १, २०८० बागेश्वरी पोस्ट

फोटो फाइल

नेपालगन्ज । नेपाली कांग्रेसका सांसद दीपक गिरीले सरकारले सांसदहरूको मागको सुनुवाइ नगरेको भन्दै आपत्ति जनाएका छन् ।

जब्दी पुल निर्माणका लागि सांसद सञ्जय गौतमले आमरण अनसन सुरु गर्नु परेको उल्लेख गर्दै उनले अरू सांसदहरूले आमरण अनसन बस्नुपर्ने अवस्था आउन नदिन पनि सरकारलाई सचेत गराए ।

आज प्रतिनिधिसभा बैठकमा आकस्मिक समय लिएर बोल्दै सांसद गिरीले उदयपुरको त्रियुगा पुल, संखुवासभाको अरुण पुल लगायतका विकास, निर्माणको काममा सांसदहरुले पटकपटक ध्यानाकर्षण गराउँदा पनि सरकारले कुनै कदम चाल्न नसकेको भन्दै आक्रोश समेत व्यक्त गरे ।

उनले सरकारले सबै सांसदहरूलाई आ-आफ्नो निर्वाचन क्षेत्रको विकास निर्माणको काम अघि बढाउनका लागि दवाव दिन आमरण अनसन नै बस्न बाध्य नपारियोस् भन्दै चेतावनी समेत दिए।

उनले भने, ‘यही गरिमामय संसदका सांसद सञ्जय गौतम आफ्नो क्षेत्रको केही चिज पनि सदनमा पटक-पटक कुरा राख्दा पनि सरकारले वास्ता नगरेर आज जब्धी पुलमुनि १५ सुत्रीय माग राखेर आमरण अनसन बसेका छन् । जब्धी पुल बन्दैन । उदयपुरको त्रियुगा पुल बन्दैन । संखुवासभाको अरुणपुल बन्दैन । आमरण सुरुवात हुँदा पनि सरकारले आँखा लगाउँदैन । आज ३ दिन भयो 'सांसद सञ्जय गौतम अनसन बस्नु भएको । अब भोलि नारायण खड्का त्रियुगा पुलमुनि आमरण अनसन बस्नु भएको छ भनेर सुन्न नपरोस् । पर्सि दीपक खड्का अरुणको पुलमुनि बस्नु भएको छ भनेर सुन्न नपरोस् । म सम्माननीय सभामुखमार्फत् यो नेपाल सरकारको आँखा खुलोस् भन्न चाहन्छु ।’

सांसद गिरीले संसदमा सांसदहरूले राखेका मागबारे सरकारलाई गम्भीर बन्न पनि पटक-पटक आग्रह गरे । प्रतिनिधिसभा दाङ क्षेत्र नम्बर ३ बाट निर्वाचित नेपाली कांग्रेसका केन्द्रीय सदस्य समेत रहेका सांसद गिरी पूर्व सिंचाइँ मन्त्री हुन् ।

प्रकाशित मिति: सोमबार, जेठ १, २०८० १५:३३

प्रतिक्रिया दिनुहोस्