प्रधानमन्त्री प्रचण्डले बोलाए सत्तारुढ १० दलको बैठक

राजनीति

गृहपृष्ठ
राजनीति
प्रधानमन्त्री प्रचण्डले बोलाए सत्तारुढ १० दलको बैठक

प्रधानमन्त्री प्रचण्डले बोलाए सत्तारुढ १० दलको बैठक

मंगलबार, जेठ २, २०८० बागेश्वरी पोस्ट

फाइल फोटो

नेपालगन्ज । प्रधानमन्त्री पुष्पकमल दाहाल 'प्रचण्ड' ले आज सत्ता साझेदार १० दलको बैठक बोलाएका छन् ।

प्रधानमन्त्रीले नीति तथा कार्यक्रममाथि सत्तारुढ दलका नेताहरुको सुझाव माग्नका लागि बैठक बोलाइएको हो । सरकारले ५ गते नीति तथा कार्यक्रम संसदमा प्रस्तुत गर्ने तयारी गरेको छ ।

नीति तथा कार्यक्रम र बजेटमा सुझाव माग्न सत्ता समर्थक १० दललाई बोलाइएको प्रधानमन्त्रीका सञ्चार सल्लाहकार गोविन्द आचार्यले जानकारी दिए । बैठक आज दिउँसो साढे दुई बजे सिंहदरबारमा बस्ने आचार्यले जानकारी दिए ।

बैठकमा नेपाली कांग्रेस, माओवादी केन्द्र, नेकपा एकीकृत समाजवादी, जनता समाजवादी पार्टी, लोकतान्त्रिक समाजवादी, नेपाल समाजवादी दललाई बैठकमा बोलाइएको उनले बताए । त्यस्तै नागरिक उन्मुक्ति, जनमत पार्टी, राष्ट्रिय जनमोचा, प्रभु साहले नेतृत्व गरेको आम जनता पार्टीलाई पनि नीति तथा कार्यक्रममाथि सुझाव दिन बोलाइएको छ ।

आजको बैठकमा सत्ता साझेदार दलसँग मात्रै छलफल तय भएकाले प्रतिपक्षी दललाई भने बैठकमा नबोलाइएको आचार्यले बताए ।

प्रकाशित मिति: मंगलबार, जेठ २, २०८० १२:३०

प्रतिक्रिया दिनुहोस्