शरणार्थी प्रकरणमा आरजू राणाको अडियो 'फेक' हो भन्ने विश्वास छ: कांग्रेस प्रवक्ता

राजनीति

गृहपृष्ठ
राजनीति
शरणार्थी प्रकरणमा आरजू राणाको अडियो 'फेक' हो भन्ने विश्वास छ: कांग्रेस प्रवक्ता

शरणार्थी प्रकरणमा आरजू राणाको अडियो 'फेक' हो भन्ने विश्वास छ: कांग्रेस प्रवक्ता

मंगलबार, जेठ २, २०८० बागेश्वरी पोस्ट

नेपालगन्ज । नेपाली कांग्रेसका प्रवक्ता एवं अर्थमन्त्री प्रकाशशरण महतले नक्कली भुटानी शरणार्थी प्रकरणमा आएको केन्द्रीय सदस्य आरजू राणा देउवा सम्बन्धी अडियो झुटो भएको बताएका छन् ।

सो प्रकरणमा मिडिया ट्रायल भएको भन्दै ‘दोषीलाई कारबाही होस्, निर्दोष नफसुन्’ भन्नेमा कांग्रेस दृढ रहेको पनि उनले जनाएका छन् ।

‘आरजू राणाको नाममा आएको अडियो झुटो भएको हामीलाई विश्वास छ,’ उनले भने, ‘उहाँ (राणा) स्वयंले पनि सो अडियो झुटो भएको भन्दै प्रहरीमा उजुरी दिनु भएको छ, त्यस्को सत्यतथ्य अझै बाहिर आएको छैन, यो आउनुपर्छ भनेर भनेर हिजो पनि उहाँले (संसदमा) बोल्नु भएको छ ।’

मंगलबार बिहान आयोजित पत्रकार सम्मेलनमा बोल्दै अर्थमन्त्री समेत रहेका महतले नक्कली भुटानी शरणार्थी प्रकरणलाई कांग्रेसले गम्भिरतापूर्वक लिएको पनि जनाएका छन् ।

‘बालकृष्ण खाँणजीमाथि पनि अनुसन्धान जारी रहेको छ, उहाँमाथि पनि छानबिन जारी छ, सो छानबिन पछि केही न केही त अवश्य निष्कर्ष आउनेछ, हामी निष्कर्षको पखाईमा छौं’, उनको प्रतिक्रिया थियो ।

पक्राउ परेका केन्द्रीय सदस्य खाणले आफू यो प्रकरणमा निर्दोष रहेको बताएकाले उहाँलाई पार्टीको जिम्मेवारीबाट निलम्बन नगरिएको महतले बताए ।

सो विषयलाई लिएर पार्टीभित्र कुनै विवाद नभएको पनि उनको भनाइ छ । ‘महामन्त्रीहरुले पनि त्यस बारेमा कुनै फरक मत राख्नु भएको छैन, पार्टी निर्णयप्रति उहाँहरु प्रतिबद्ध रहनुभएको छ’ उनले भने ।

प्रकाशित मिति: मंगलबार, जेठ २, २०८० १३:२०

प्रतिक्रिया दिनुहोस्