भेरी अस्पतालका लेखापाल पाण्डेले त्यागे नेपाल निजामती कर्मचारी संगठनको सदस्यता

स्थानीय

गृहपृष्ठ
स्थानीय
भेरी अस्पतालका लेखापाल पाण्डेले त्यागे नेपाल निजामती कर्मचारी संगठनको सदस्यता

भेरी अस्पतालका लेखापाल पाण्डेले त्यागे नेपाल निजामती कर्मचारी संगठनको सदस्यता

मंगलबार, जेठ २, २०८० बागेश्वरी पोस्ट

नेपालगन्ज । नेपाल निजामती कर्मचारी संगठनका लुम्बिनी प्रदेश उपाध्यक्ष नवीन कुमार पाण्डेले संगठन त्यागेका छन् । नेपाल निजामती कर्मचारी संगठन नेकपा एमाले निकट हो ।

भेरी अस्पताल नेपालगन्जका लेखापाल पाण्डेले अब कुनै पनि राजनीतिक दलका संगठनमा आवद्ध नहुने गरि संगठन त्यागेको जानकारी दिए । निजामती कर्मचारी संगठनहरु पार्टीको झोले बन्दा कर्मचारीको हकअधिकार स्थापित हुन नसक्ने निष्कर्षसहित आफू अलग भएको पनि उनको भनाइ छ ।

उनले स्वतन्त्र भएर कर्माचारीहरुको हकहितमा आफूले लड्ने बताए । 'निजामती कर्मचारी संगठनहरु निजामती कर्मचारीको हकहित भन्दा पनि आ-आफ्नो स्वार्थमा बढी केन्द्रीत भएको पाइयो,' उनले भने-'चाहे त्यो काँग्रेसको होस् चाहे एमालेको । अथवा माओवादीको नै किन नहोस् । पार्टीका संगठनमा बसेर समग्र कर्मचारीको हकअधिकार सुनिश्चित गर्न सकिँदैन त्यसैले स्वतन्त्र हुने निधो गरें ।'

उनले अब आफू कुनै पनि दलको झण्डा मुनिको कर्मचारी संगठनमा नबस्ने र विशुद्ध कर्मचारीका हकहितको लागि आवाज बुलन्द गर्न स्वतन्त्र निजामती कर्मचारी संगठन निर्माणमा जुट्ने बताए ।

प्रकाशित मिति: मंगलबार, जेठ २, २०८० १४:५७

प्रतिक्रिया दिनुहोस्