विशेष प्रहरी भन्दै परिचय पत्र देखाएर हिँड्ने चार जना पक्राउ

सुरक्षा-अपराध

गृहपृष्ठ
सुरक्षा-अपराध
विशेष प्रहरी भन्दै परिचय पत्र देखाएर हिँड्ने चार जना पक्राउ

विशेष प्रहरी भन्दै परिचय पत्र देखाएर हिँड्ने चार जना पक्राउ

बिहीबार, जेठ ४, २०८० बागेश्वरी पोस्ट

नेपालगन्ज । ‘विशेष प्रहरी’ भनेर परिचय पत्र देखाउँदै हिँड्ने चार जनालाई प्रहरीले पक्राउ गरेको छ । चितवनमा आफूलाई विशेष प्रहरी’ भनेर परिचय पत्र देखाएर पैसा असुल्ने चार जनालाई पक्राउ गरेको जिल्ला प्रहरी चितवनले जनाएको छ ।

पक्राउ पर्नेमा भरतपुर -५ का २२ वर्षीय खुमबहादुर थापा, राप्ती नगरपालिका-८ का १९ वर्षीय सच्चीन ज्ञवाली, रत्ननगर नगरपालिका -५ का २३ वर्षीय सञ्जीवकुमार मिश्र र खैरहनी नगरपालिका-१३ का २४ वर्षीय सुजन सिलवाल रहेका छन् ।

उनीहरुलाई खैरहनी नगरपालिका र भरतपुर महानगरपालिकाबाट पक्राउ गरिएको जिल्ला प्रहरी कार्यालयका प्रमुख प्रहरी उपरीक्षक रामेश्वर कार्कीले जानकारी दिए ।

आफू विशेष प्रहरी भन्दै सामाजिक सञ्जालमा कुरा गर्ने तथा व्यवसायीलाई धम्क्याउने गरेको पाइएको उनले बताए । भरतपुर महानगरपालिका-१२ मालपोत चोकको प्रिन्टिङ प्रेसमा कार्यरत थापाले नक्कली विशेष प्रहरीको परिचय पत्र बनाउने गरेको खुलेको छ ।

उनीहरुले केन्द्रीय अनुसन्धान ब्यूरोको परिचयपत्र समेत बनाएको कार्यालयले जनाएको छ । पक्राउ परेका चारै जनालाई जिल्ला अदालतबाट म्याद थप गरी अनुसन्धान सुरु गरिएको एसपी कार्कीले बताए ।

उनीहरुलाई मुलुकी अपराध संहिताको लिखदसम्बन्धी कसुरमा म्याद थप गरिएको छ । सो मुद्दामा सात वर्षसम्म कैद र रु. ७० हजारसम्म जरिवानाको व्यवस्था छ ।

प्रकाशित मिति: बिहीबार, जेठ ४, २०८० ०८:०७

प्रतिक्रिया दिनुहोस्