आज प्रतिनिधिसभामा सांसदहरुको प्रधानमन्त्रीलाई प्रत्यक्ष प्रश्नोत्तर

राजनीति

गृहपृष्ठ
राजनीति
आज प्रतिनिधिसभामा सांसदहरुको प्रधानमन्त्रीलाई प्रत्यक्ष प्रश्नोत्तर

आज प्रतिनिधिसभामा सांसदहरुको प्रधानमन्त्रीलाई प्रत्यक्ष प्रश्नोत्तर

बिहीबार, जेठ ४, २०८० बागेश्वरी पोस्ट

नेपालगन्ज । आज प्रतिनिधि सभाको बैठकमा सांसदहरुले प्रधानमन्त्री पुष्पकमल दाहाल प्रचण्डलाई प्रत्यक्ष प्रश्न गर्दैछन् ।

संघीय संसद भवन बानेश्वरमा प्रतिनिधिसभाको दोस्रो अधिवेशनको छैटौँ बैठक बस्न लागेको हो । बैठक बिहान ११ बजे बस्नेछ ।

संघीय संसद सचिवालयका महासचिव भरतराज गौतमले सार्वजनिक गरेको सम्भावित कार्यसूची अनुसार प्रधानमन्त्री प्रचण्डले प्रतिनिधिसभाका सदस्यहरुले सोधेको जवाफ दिने कार्यक्रम रहेको छ ।

साथै प्रधानमन्त्री प्रचण्डले ‘राज्यका निर्देशक सिद्धान्त, नीति र दायित्व कार्यान्वयनका सम्बन्धमा गरेका काम र प्राप्त उपलब्धि सहितको आर्थिक वर्ष २०७८–७९ को वार्षिक प्रतिवेदन’ पनि पेश गर्ने सम्भावित कार्यसूचीमा उल्लेख गरिएको छ ।

प्रधानमन्त्री भएपछि प्रचण्डले पहिलो पटक संसदमा सांसदहरुले सोधेको प्रश्नको जवाफ दिनेछन् । उनलाई जवाफ दिनका लागि पटक पटक सांसदहरुले आग्रह गर्दै आएका थिए ।

प्रकाशित मिति: बिहीबार, जेठ ४, २०८० ०८:१९