नक्कली शरणार्थी प्रकरणमा हज कमिटीका अध्यक्ष शम्शेर मियाँ पक्राउ

सुरक्षा-अपराध

गृहपृष्ठ
सुरक्षा-अपराध
नक्कली शरणार्थी प्रकरणमा हज कमिटीका अध्यक्ष शम्शेर मियाँ पक्राउ

नक्कली शरणार्थी प्रकरणमा हज कमिटीका अध्यक्ष शम्शेर मियाँ पक्राउ

बिहीबार, जेठ ४, २०८० बागेश्वरी पोस्ट

नेपालगन्ज । नक्कली भुटानी शरणार्थी प्रकरणमा मुछिएका अर्का एक जना पक्राउ गरेका छन् । पक्राउ पर्नेमा नेपाल हज कमिटीका अध्यक्ष शमशेर मियाँ हुन् । फरार रहेका उनलाई आज बिहान १० बजेतिर काठमाडौंबाट पक्राउ गरेको हो ।

उनीसँगै यो प्रकरणमा पक्राउ पर्नेको संख्या १५ पुगेको छ । अझै दुई जना फरार रहेका छन् । एमाले उपाध्यक्ष रामबहादुर थापा बादलका छोरा प्रतिक थापा र इन्द्रजित राईका छोरा निरज राई फरार सूचीमा रहेका छन् ।

उनीहरुलाई प्रहरीले खोजी गरिरहेको छ । यसअघि पक्राउ परेका १४ मध्ये १३ जनाको बयान लिइसकिएको छ ।

बिचौलियाले पीडितबाट उठाएको रकम ओसार्न मियाँको गाडी प्रयोग गर्ने गरेका थिए । प्रहरीले उनको गाडी यसअघि नियन्त्रणमा लिइसकेको छ ।

मियाँको समेत गिरोहसँग निकटता देखिएपछि उनी प्रहरीको सम्पर्कबाहिर थिए ।

प्रकाशित मिति: बिहीबार, जेठ ४, २०८० १३:२२

प्रतिक्रिया दिनुहोस्