एमालेले नारावाजी गर्दै गर्यो संसद बैठक अवरुद्ध

राजनीति

गृहपृष्ठ
राजनीति
एमालेले नारावाजी गर्दै गर्यो संसद बैठक अवरुद्ध

एमालेले नारावाजी गर्दै गर्यो संसद बैठक अवरुद्ध

शुक्रबार, जेठ १२, २०८० बागेश्वरी पोस्ट

नेपालगन्ज । आज नेकपा एमालेले संसदमा अवरोध गरेको छ । सत्ता पक्षका सांसदले पार्टी अध्यक्ष केपी शर्मा ओली प्रधानमन्त्री छँदा पशुपतिमा गजुर राख्दा भ्रष्टाचार भएको आधारहीन आरोप लगाएको भन्दै एमालेले संसदमा अवरोध गरेको हो ।

बैठक सुरू भएसँगै एमालेका प्रमुख सचेतक पदम गिरीले ‘सुनको जलारीको नाममा पितलको जारी लगाइएको’ गलत आरोप लगाइएको बताए।

उनले यो आरोपलाई पुष्टि गर्न सरकारलाई चुनौती दिए । लगत्तै एमालेका सांसदहरू आफ्नो सिटमा उभिएका थिए ।

संसदीय दलका उपनेता सुवास नेम्वाङले तत्कालीन सरकारको नेतृत्वमाथि लगाएको आरोपको टुंगो नलागेसम्म संसद चल्न नसक्ने बताए ।

नेम्वाङले पशुपतिको जलारी लगाउँदा भ्रष्टाचार भएको आरोपबारे सरकारको धारणा आउनुपर्ने उल्लेख गरे ।

प्रकाशित मिति: शुक्रबार, जेठ १२, २०८० १२:४५