किसानका माग सम्वोधनका लागि प्रधानमन्त्रीलाई ज्ञापनपत्र

स्थानीय

गृहपृष्ठ
स्थानीय
किसानका माग सम्वोधनका लागि प्रधानमन्त्रीलाई ज्ञापनपत्र

किसानका माग सम्वोधनका लागि प्रधानमन्त्रीलाई ज्ञापनपत्र

शुक्रबार, जेठ १२, २०८० बागेश्वरी पोस्ट

नेपालगञ्ज । जय जवान, जय किसान, आत्मनिर्भर नेपाल निर्माण, हाम्रो अभियान, किसान जन स्वयंसेवक राष्ट्रिय समितिले आज किसानका माग सम्वोधनका लागि जिल्ला प्रशासन कार्यालय बाँकेमार्फत प्रधानमन्त्रीलाई ज्ञापनपत्र बुझाएको छ । समितिका राष्ट्रिय संयोजक नारायण प्रसाद धिमाल, जिल्ला संयोजक शालिकराम पाठक नेतृत्वको किसानको टिमले निमित्त प्रमुख जिल्ला अधिकारी टोपेन्द्र केसीलाई भेटेर ३६ वुँदे मागसहितको ज्ञापन बुझाएको हो ।

किसानहरुलाई संगठित गर्दै सबै जिल्लाबाट मागसहितको ज्ञापनपत्र प्रधानमन्त्रीलाई बुझाएर ३० दिनभित्र सम्बोधनको वातावरण सिर्जना गर्न दवाव सिर्जना गरिँदैछ । ज्ञापनपत्रमा किसानलाई राष्ट्रिय श्रमिक घोषणा गरिनुपर्ने, किसान कार्डको व्यवस्था गरिनुपर्ने, पेन्सनको व्यवस्था गरिनुपर्ने, कृषि सिंचाईको लागि नि:शुल्क विजुलीको व्यवस्था गरिनुपर्ने, कृषि उपकरणको भन्सार शुल्क छुट गरिनुपर्ने, बाली नालीको विमाको व्यवस्था गरिनुपर्ने, न्यून व्याजदरमा ऋण उपलव्ध गराइनुपर्ने, मलखादमा सहुलियत दिइनुपर्ने लगायतका ३६ माग समावेश गरिएका छन् । जिल्ला जिल्लाबाट ज्ञापन पत्र बुझाइसकेपछि प्रधानमन्त्रीसमक्ष छलफल गरेर माग सम्वोधन गर्न लगाइने संयोजक धिमालले बताए ।

प्रकाशित मिति: शुक्रबार, जेठ १२, २०८० १७:३१

प्रतिक्रिया दिनुहोस्