पशुपतिको जलारी मात्रै हैन गोठाटारको ३१ रोपनी जग्गा अपचलनको पनि भण्डाफोर गरौं: अजयबाबु शिवाकोटी

राजनीति

गृहपृष्ठ
राजनीति
पशुपतिको जलारी मात्रै हैन गोठाटारको ३१ रोपनी जग्गा अपचलनको पनि भण्डाफोर गरौं: अजयबाबु शिवाकोटी

पशुपतिको जलारी मात्रै हैन गोठाटारको ३१ रोपनी जग्गा अपचलनको पनि भण्डाफोर गरौं: अजयबाबु शिवाकोटी

शनिबार, जेठ १३, २०८० बागेश्वरी पोस्ट

नेपालगन्ज । पशुपतिनाथको मन्दिरको जलहरी मात्र हैन गोठाटारमा रहेको ३१ रोपनी जग्गाको अपचलनको पनि भण्डाफोर गर्न नेपाली कांग्रेसका केन्द्रीय सदस्य अजयबाबु शिवाकोटीले माग गरेका छन् ।

सामाजिक संजालमा लेख्दै उनले जलहरीको प्रसङ्ग उठिसकेपछि गोठाटारमा रहेको पशुपतिको ३१ रोपनी जग्गा भूमाफियासँग मिलेर अपचलन गर्ने संगठित गिरोहको पनि भण्डाफोर गर्नुपर्नेमा जोड दिएका हुन् ।

उनले लेखेका छन्, ‘जलहरी मात्र हैन गोठाटारमा रहेको पशुपतिनाथको ३१ रोपनी जग्गा भूमाफियासँग मिलेर अपचलन गर्ने संगठित गिरोहको पनि भण्डाफोर गरौं । जलहरीको कुरा संसदसँगै अख्तियारमा पनि प्रवेश गरिसकेको छ । यही बीचमा गोठाटारमा रहेको पशुपतिनाथको ५३५ रोपनी मध्य ५०४ रोपनी देखाई ३१ रोपनी जग्गा भूमाफियासँग मिलेर भागवण्डामा खाने प्रपञ्चमा पशुपति विकास कोषका जिम्मेवार पदाधिकारीहरु देखिएका छन् ।

पशुपतिनाथको जग्गा अपचलन गरी खान खोज्ने नियतमा संस्कृति मन्त्रालयको नेतृत्व तथा कोषका पदाधिकारीविरुद्ध तत्काल छानबिन गरी कारबाहीको लागि दबाब दिउँ । जय नेपाल ।’

यही विषयलाई लिएर नेकपा एमालेले संसद बैठक नै शुक्रवार अवरुद्ध गरेको थियो । पशुपतिनाथ मन्दिरमा जलहरी लगाउँदा सुन कम भएको कुरा आएपछि एमालेले आपत्ति जनाएको हो ।

एमाले अध्यक्ष केपी शर्मा ओली नेतृत्वको सरकार हुँदा पशुपतिमा जलहरी लगाइएको थियो । तर, सुन भनेर पित्तल लगाएको भनेर उक्त प्रकरणमा ११ किलो सुन कम भएको महालेखाको प्रतिवेदनमा समेत आएको थियो ।

यसको जिम्मा नैतिकताका आधारमा केपी ओलीले लिनुपर्ने भनी संसदमा प्रश्न उठेपछि एमालेले संसद नै अवरुद्ध गरेको हो ।

सांसदहरुले भने यसको छानबिनका लागि संसदीय छानबिन समिति गठन गर्न माग गरेका छन् ।

प्रकाशित मिति: शनिबार, जेठ १३, २०८० ११:५५

प्रतिक्रिया दिनुहोस्