रेशम चौधरी जेलमुक्त, सरकारको चौतर्फी विरोध

राजनीति

गृहपृष्ठ
राजनीति
रेशम चौधरी जेलमुक्त, सरकारको चौतर्फी विरोध

रेशम चौधरी जेलमुक्त, सरकारको चौतर्फी विरोध

सोमबार, जेठ १५, २०८० बागेश्वरी पोस्ट

नेपालगन्ज । टीकापुर घटनाका मुख्य दोषी रेशम चौधरी ६ वर्षपछि जेलमुक्त भएका छन् । पुष्पकमल दाहाल प्रचण्ड नेतृत्वको सरकारले उनको बाँकी सजायमा आममाफी दिन राष्ट्रपति रामचन्द्र पौडेल समक्ष सिफारिस गरेको भोलिपल्ट नै आज बिहान चौधरी जेलमुक्त भएका हुन् ।

गत जेठ २ गते सर्वोच्च अदालतले उच्च अदालतलको फैसला सदर गरेपछि उनी २०९४ सालसम्म जेल बस्नु पर्ने थियो । तर, सरकारले गणतन्त्र दिवसको अवसरमा जेलमुक्त गर्ने निर्णय लिए पछि उनी १४ वर्ष अगाबै जेलमुक्त भएका हुन् ।

डिल्लीबजार कारागारबाट जेल मुक्त हुँदा उनको स्वागतका लागि नागरिक उन्मुक्ति पार्टीका नेता तथा कार्यकर्ताले फुल अबिरमाला गरेका छन् ।

उनकी पत्नी समेत रहेकी मन्त्री रञ्जिता श्रेष्ठ पनि डिल्लीबजार कारागार पुगेकी थिइन् ।

उनको स्वागतका लागि बिहानैदेखि डिल्लीबजार कारागारमा नेता, कार्यकर्ताको भीड लागेको थियो । तर, सामाजिक सञ्जालमा भने सरकारको यस निर्णयको चौतर्फी विरोध भएको छ । चौधरी २०७४ फागुनमा पक्राउ परेका थिए ।

रेशमलाई आममाफी दिएपछि सरकारको निर्णयको चौतर्फी विरोध भएको छ ।

प्रकाशित मिति: सोमबार, जेठ १५, २०८० ०९:२९

प्रतिक्रिया दिनुहोस्