सात दिनभित्र संसदीय समितिका सभापति चयन गर्न सभामुखको निर्देशन

राजनीति

गृहपृष्ठ
राजनीति
सात दिनभित्र संसदीय समितिका सभापति चयन गर्न सभामुखको निर्देशन

सात दिनभित्र संसदीय समितिका सभापति चयन गर्न सभामुखको निर्देशन

सोमबार, जेठ १५, २०८० बागेश्वरी पोस्ट

नेपालगन्ज । प्रतिनिधिसभाका सभामुख देवराज घिमिरेले सात दिनभित्र संसदीय समितिका सभापति चयन गर्न निर्देशन दिएका छन् ।

आज बसेको कार्यव्यवस्था परामर्श समितिको बैठकमा सभामुख घिमिरेले सभापति चयन नहुँदा विधेयकहरुको छलफलले गति लिन नसकेको भन्दै सात दिनभित्र चयन गर्न निर्देशन दिएका हुन् ।

संसदीय समितिको नेतृत्वबारे दलहरुको ध्यानाकर्षण गराउँदै उनले समिति र उपसमिति ज्येष्ठ सदस्यले नै नेतृत्व गरिरहेको भए पनि सभापति चयन नहुँदा विधेयकमाथिको छलफलले गति लिन नसकेको जानकारी गराएका हुन् ।

गत १९ चैतमा प्रतिनिधि सभा नियमावली २०७९ पारित भएपछि १५ वैशाखमा प्रतिनिधिसभाका १० वटा विषयगत समिति गठन गरिएको थियो ।

यसपछि २ जेठमा प्रतिनिधिसभाका १० वटा विषयगत समितिको पहिलो बैठक बसेको थियो भने बैठकको सभापतित्व ज्येष्ठ सदस्यले गरेका थिए ।

प्रकाशित मिति: सोमबार, जेठ १५, २०८० १५:४६

प्रतिक्रिया दिनुहोस्