राप्तीसोनारीको प्रथम पालिका स्तरीय युवा सम्मेलन सम्पन्न

स्थानीय

गृहपृष्ठ
स्थानीय
राप्तीसोनारीको प्रथम पालिका स्तरीय युवा सम्मेलन सम्पन्न

राप्तीसोनारीको प्रथम पालिका स्तरीय युवा सम्मेलन सम्पन्न

मंगलबार, जेठ १६, २०८० बागेश्वरी पोस्ट

नेपालगन्ज । बाँकेको राप्तीसोनारी गाउँपालिकामा प्रथम पालिका स्तरीय युवा सम्मेलन समपन्न भएको छ ।

युवाको क्षमता अभिवृद्धि र नेतृत्व विकास गर्ने उद्देश्यले आयोजित युवा सम्मेलनमा राप्तीसोनारी गाउँपालिकाका ९ वटै वडाहरुका युवाको उपस्थिती रहेको थियो ।

उक्त सम्मेलनमा युवाको सशक्तिकरण, युवा संजालको बारेमा र यसको काम कर्तव्य, युवाको नेतृत्व र प्रेरणा र स्थानीय सरकारले आगामी आर्थिक वर्षका लागि तयारी गरिरहेको नीति, कार्यक्रममा आफ्ना मुद्दा समेट्न दबाब र सुझाव दिन सम्मेलन आयोजना गरेको हो ।

कार्यक्रममा गाउँपालिका अध्यक्ष तप्तबहादुर पौडेलले कुनै पनि खाले विकास गर्न युवाको आवश्यक भएको र राप्तीसोनारीलाई परिवर्तन गर्न युवाको आवश्यक रहेको बताएका छन् ।

त्यस्तै गाउँपालिका उपाध्यक्ष मनिषासिंह थारुले कार्यक्रमा बोल्दै युवालाई परिवर्तनको संवाहक भएको बताएकी छन् । राप्तीसोनारीमा परिर्वतन गर्न गर्नका लागि युवाहरुलाई परिचालन गर्नुपर्ने बताएकी छन् ।

कार्यक्रममा वडा नम्बर ६ का वडा अध्यक्ष लबराज खरेलले सामाजमा भएका नराम्रा कुरिती निर्मुल गर्न र राम्रा कला संस्कृतिको जगेर्ना गर्न युवाको भुमिका रहेको बताएका थिए भने वडा नम्बर ७ का वडा अध्यक्ष रामलखन थारुले राप्तीसानारीमा परिवर्तन चाहने हो भने राप्तीसोनारीका सबै युवाहरु एक जुट हुन जरुरी रहेको बताए । एक जुट भए देखेको सपना पुरा हुने र एक सभ्य सामाजको निर्मन हुने अध्यक्ष थारुले बताए ।

प्रकाशित मिति: मंगलबार, जेठ १६, २०८० ०९:५७

प्रतिक्रिया दिनुहोस्