जम्बो टोली लिएर प्रधानमन्त्री प्रचण्ड आज दिउँसो भारत भ्रमण जाँदै

राजनीति

गृहपृष्ठ
राजनीति
जम्बो टोली लिएर प्रधानमन्त्री प्रचण्ड आज दिउँसो भारत भ्रमण जाँदै

जम्बो टोली लिएर प्रधानमन्त्री प्रचण्ड आज दिउँसो भारत भ्रमण जाँदै

बुधबार, जेठ १७, २०८० बागेश्वरी पोस्ट

नेपालगन्ज । आज दिउँसो प्रधानमन्त्री पुष्पकमल दाहाल ‘प्रचण्ड’ नेपाल वायुसेवा निगमको जहाजमार्फत भारतको औपचारिक भ्रमणमा जाँदैछन् ।

भारतको औपचारिक भ्रमणका क्रममा प्रधानमन्त्री नेपाली प्रतिनिधिमण्डलको नेतृत्व गर्दै नेपाल वायुसेवा निगमको जहाजमार्फत आज दिउँसो १ बजे त्यसतर्फ प्रस्थान गर्न लागेको सञ्चार तथा सूचना प्रविधिमन्त्री रेखा शर्माले जानकारी दिइन् ।

प्रधानमन्त्रीको भारत भ्रमणपछि मात्रै बजेटसम्बन्धी छलफल गर्ने विषयमा पनि कुराकानी भएको सञ्चारमन्त्री शर्माले बताइन् ।

प्रधानमन्त्री प्रचण्डसँग भ्रमणमा परराष्ट्र मन्त्री नारायण प्रकाश साउद (एनपी), अर्थ मन्त्री प्रकाशशरण महत, ऊर्जा, सिँचाइ तथा जलस्रोत मन्त्री शक्तिबहादुर बस्नेत, भौतिक पूर्वाधार तथा यातायात व्यवस्था मन्त्री प्रकाश ज्वाला, उद्योग वाणिज्य तथा आपूर्ति मन्त्री रमेश रिजाल जानेछन् ।

त्यस्तै कृषिमन्त्री बेदुराम भुसालको पनि भ्रमणको लिष्टमा अन्तिम समयमा नाम राखिएको छ । त्यस्तै भ्रमणमा नेपाल सरकारका मुख्य सचिव, सचिवहरु, वरिष्ठ सरकारी अधिकारी, प्रधानमन्त्रीको सचिवालय सदस्यहरु गरी जम्बो टोली जाँदैछन् ।

प्रकाशित मिति: बुधबार, जेठ १७, २०८० ०९:१२

प्रतिक्रिया दिनुहोस्