परिवर्तन नचाहनेलाई कमजोर बनाउँदै जाऔं: गगन थापा

राजनीति

गृहपृष्ठ
राजनीति
परिवर्तन नचाहनेलाई कमजोर बनाउँदै जाऔं: गगन थापा

परिवर्तन नचाहनेलाई कमजोर बनाउँदै जाऔं: गगन थापा

शुक्रबार, जेठ १९, २०८० बागेश्वरी पोस्ट

नेपालगन्ज । नेपाली कांग्रेसका महामन्त्री गगन थापाले पार्टीभित्र सुधार चाहने र सुधार नचाहने गुट मात्रै रहेको बताएका छन् ।

नेपाल प्रेस युनियन उपत्यका तथा प्रतिष्ठान प्रदेशको प्रथम अधिवेशनको उद्घाटनमा बोल्दै महामन्त्री थापाले भने, ‘कांग्रेस बदल्ने र कांग्रेस सुधार गर्न नचाहने गुट छ । परिवर्तन नचाहनेलाई कमजोर बनाउँदै जाऔं ।’

महामन्त्री थापाले पार्टी सभापति शेरबहादुर देउवाले करिब डेढ वर्षदेखि एकलौटी निर्णय गर्दै आएको बताएका छन्।

पार्टीभित्र र कांग्रेस समेत संलग्न रहेको सरकारले गर्ने निर्णयमा सभापति देउवाले अरूसँग छलफल नगरी एकल निर्णय दिने काम गरिरहेको थापाको भनाइ छ ।

‘कांग्रेस संलग्न भएको सरकारले केही गम्भीर, महत्वपूर्ण, दीर्घकालीन महत्वको र जनचासोका विषयहरू निर्णय गरेको छ । रेशम चौधरीलाई आममाफी दिने निर्णय, नागरिकता विषय, प्रदेश सरकारमा कांग्रेसको सहभागिता र मन्त्रालय तोडफोड र सांसद विकास कोष लगायतबारे सभापतिले एक्लै गरेको निर्णय हो,’ प्रेस युनियनले काठमाडौंमा शुक्रबार गरेको कार्यक्रममा उनले भने ।

सभापतिले एकलौटी गरेका यस्ता निर्णयबारे आफूले सञ्चार माध्यममा आएपछि मात्रै जानकारी पाउने गरेको थापाको भनाइ छ ।

उनले भने, ‘टुल टुल हेरेर बसिन्न । कांग्रेस बदलिन्छ । संघर्ष गर्ने हो ।’ निर्णय गर्ने पूर्ण अधिकार सभापतिलाई विधानले दिएकाले पनि समस्या भएको उनको तर्क छ ।

प्रकाशित मिति: शुक्रबार, जेठ १९, २०८० १५:५७

प्रतिक्रिया दिनुहोस्